Matč Kubku Devisa Biełaruś — Hruzija adkładzieny praz doždž
Matč mieŭsia pačacca a 10-j na adkrytych kortach mienskaha Pałacu tenisa, ale pieraniesieny na niapeŭny termin
Matč 2‑ha raŭndu płej‑of 1‑j hrupy Eŭra‑Afrykanskaj zony Kubka Devisa mieŭsia pačacca a 10-j na adkrytych kortach mienskaha Pałacu tenisa.
Raspačynać hulniavy dzień pavinny byli Ŭładzimier Ihnacik i Łada Čychładze. Siońnia taksama musili zhulać Andrej Karatčenia i Iraklij Łabadze.
***
Spačatku matč byŭ pieraniesieny na 12:00, potym na 14:00.Chutčej za ŭsio siońnia hulniaŭ nia budzie, ale kali zaŭtra budzie doždž, to hulni pieraniasuć na zakryty kort.
Vybar adkrytych kortaŭ ździŭlaje. Doždž prahnazavaŭsia zahadzia, dyj precedent byŭ: padčas papiaredniaha matču Kubku Devisa Biełaruś - Polšča taksama hulni adnaho ź dzion byli pieraniesienyja z-za daždžu.
Na zaŭtra synoptyki taksama prahnazujuć doždž.
Vynik matču Biełaruś -- Hruzija vielmi važny. Pieramožca zastajecca ŭ pieršaj hrupie Eŭra-Afrykanskaj zony, zbornaja, što pacierpić parazu, apuskajecca na samaje dno suśvietnaha tenisu - 2-ju hrupu.
