Biełarusa, jaki padpaliŭ pomnik Jelcynu, departujuć na radzimu. Ale nie adrazu
Uradženca Salihorska, nacyjanał-balšavika Ihara Ščuku adpraviać u Biełaruś.
Vierch-Isiecki rajonny sud Jekaciarynburha pryznaŭ Ihara Ščuku, jaki sprabavaŭ padpalić pomnik Barysu Jelcynu, vinavatym u «parušeńni režymu znachodžańnia na terytoryi Rasii» i pastanaviŭ prymusova departavać jaho na radzimu ŭ Biełaruś. Pra heta Znak.com paviedamili ŭ sudovaj kancylaryi.
Praŭda, pierad departacyjaj Ščuka moža jašče zatrymacca ŭ Rasii — i pravieści paru hadoŭ u kałonii. Ciapier jon znachodzicca ŭ centry časovaha ŭtrymańnia zamiežnych hramadzian. «Tam, chutčej za ŭsio, jon budzie čakać prysudu suda pa kryminalnaj spravie», — adznačyŭ pres-sakratar HU MUS Rasii pa Śviardłoŭskaj vobłaści Valeryj Harełych. Nahadajem, u dačynieńni da Ščuki zaviedzienaja kryminalnaja sprava za vandalizm. Maksimalnaje pakarańnie pa joj — 3 hady pazbaŭlenia voli.
