Žury kinafiestyvalu «Listapad» vykazała salidarnaść sa źniavolenym u Rasii ŭkrainskim režysioram
Žury dakumientalnaha konkursu mižnarodnaha kinafiestyvalu «Listapad» u Minsku vykazałasia ŭ padtrymku asudžanaha ŭ Rasii ŭkrainskaha režysiora Aleha Siancova. Fota apublikavaŭ u svaim fejsbuku teatralny režysior Mikałaj Chalezin.
11 maja 2014 hoda Aleh Siancoŭ vyjšaŭ na akcyju pratestu ŭ Simfieropali suprać dałučeńnia Kryma da Rasiei. U toj samy dzień byŭ zatrymany FSB pa padazreńni ŭ teraryźmie razam z Alaksandram Kolčankam. Praź niejki čas Siancova pieravieźli ŭ Maskvu.
Siancova i Kolčanku vinavacili ŭ tym, što jany byccam by arhanizavali padpały ofisaŭ arhanizacyi «Rasiejskaja hramada Kryma» i ofisa «Adzinaj Rasii» ŭ Simfieropali. Akramia taho, FSB śćviardžała, što Siancoŭ z paplečnikami płanavali padarvać pomnik Leninu.
25 žniŭnia 2015 hodu Paŭnočna-Kaŭkazski akruhovy vajskovy sud prysudziŭ Siancova da 20 hadoŭ strohaha režymu, inšamu fihurantu spravy, Alaksandru Kolčanku, dali dziesiać hadoŭ strohaha režymu. Dziejačy kultury va ŭsim śviecie nie raz vykazvali svaju salidarnaść z asudžanymi ŭ Rasii ŭkraincami.
