Rejtynh naviedvalnaści biełaruskich infarmacyjnych sajtaŭ u kastryčniku
«Naša Niva» publikuje abnoŭleny rejtynh papularnaści biełaruskich infarmacyjnych internet-resursaŭ za kastryčnik 2017 hoda.
fota Minsknews.by
Hety śpis bazujecca na adkrytych dadzienych partała Similarweb.com. Jon dazvalaje lubomu achvotnamu daviedacca pra papularnaść sajta i ŭbačyć, kolki karystalnikaŭ jaho adkryvali za minuły miesiac i kolki staronak u siarednim jany čytali. Kali pieramnožyć hetyja ličby, atrymajecca kolkaść prahledžanych staronak. Naprykład, za kastryčnik «Naša Niva» mieła 7 449 000 prahladaŭ.
Inšyja ličylniki, naprykład, Google Analytics, dajuć dla «Našaj Nivy» suvymiernyja ličby. Dadzienyja ad Similarweb.com bolš dakładnyja dla bujnych partałaŭ, ź mienšymi sajtami imaviernaść statystyčnaj pamyłki pavialičvajecca.
U śpis uklučanyja tolki sajty, redakcyi jakich mieściacca ŭ Biełarusi.
U paraŭnańni z papiarednim padobnym rejtynham my zrabili adno važnaje dapaŭnieńnie i pačali ŭličvać rehijanalnyja sajty. Hrodzienski błoh S13 zajmaje ŭ vynikovym śpisie siomaje miesca, a homielskija «Mocnyja naviny» — dziasiataje. Taksama ŭ rejtynh trapiŭ baranavicki «Inteks-Pres».
Kolkaść prahladaŭ staronak pavodle dadzienych SimilarWeb za kastryčnik 2017 hoda, miljonaŭ
- Naviny Tut.by — 48,728 (ahułam partał — 168,178)
- Naviny Onliner.by — 40,709 (ahułam partał — 185,058)
- NN.by / Naša Niva — 7,449
- Kp.by / Komsomolskaja pravda v Biełarusi — 6,819
- Pressball.by (biez uliku foruma) — 6,5201
- Biełorusskij partizan — 4,715
- S13.ru (Hrodna) — 4,381
- By.tribuna.com — 3,95
- BiełTA — 3,42
- Silnyje Novosti (Homiel) — 3,038
- Citydog.by — 2,996
- Sputnik Biełaruś — 2,993
- Udf.by — 2,93
- Naviny.by — 2,912
- Salidarnaść / Gazetaby.com — 2,7552
- Virtualny Briest — 2,412
- Sovietskaja Biełoruśsija — 2,3976
- Biełsat — 2,0438
- Inteks-Pres (Baranavičy) — 1,719
- Tvr.by / Biełteleradyjokampanija — 1,5563
- Radyjo Svaboda — 1,2644
- Kuku.org — 1,1009
- Jeŭraradyjo — 0,954
- Staličnaje telebačańnie — 0,936
- ANT — 0,699
