Maryja Šarapava daje $210 tys. na stypendyi moładzi z čarnobylskich rehijonaŭ
Stypendyi dazvolać 12 talenavitym maładym ludziam prajści poŭny kurs navučańnia ŭ Biełaruskaj akademii mastactvaŭ i BDU.
Zorka suśvietnaha tenisu Maryja Šarapava siońnia abviaściła ab prahramie stypendyj z abjomam u 210 tys. dalaraŭ dla studentaŭ — vychadcaŭ z rajonaŭ Biełarusi, što paciarpieli ŭ vyniku avaryi na Čarnobylskaj AES.
Stypendyi dazvolać 12 talenavitym maładym ludziam prajści poŭny kurs navučańnia ŭ Biełaruskaj akademii mastactvaŭ i BDU. Prahrama pieršapačatkova raźličana na 4 hady, štohod buduć abiracca try novyja stypendyjaty z zaličanych na pieršy kurs abituryjentaŭ.
Raniej fond Maryi Šarapavaj vydzieliŭ 100 tys. dalaraŭ na realizacyju prajektaŭ dla dziaciej i moładzi z rehijonaŭ Biełarusi, Rasiei i Ukrainy, što paciarpieli ad avaryi na ČAES.
Maryja Šarapava naradziłasia ŭ 1987 h. u sibirskim haradku Niahań, kudy jejcnyja baćki pierajechali z Homiela paśla čarnobylskaj katastrofy
