U Minsku prapanujuć naprakat skrynku ad iPhone X za 40 rubloŭ na 10 chvilin FOTAFAKT
3 listapada ŭ krainach «pieršaj chvali» pačalisia prodažy novaha premijalnaha smartfona kampanii Apple — iPhone X. Biełaruś u lik hetych krain nie ŭvachodzić, ale «šeryja» pradaŭcy ŭžo pryvieźli navinku ŭ Minsk. Siońnia ŭ Internecie źjaviłasia paviedamleńnie z prapanovaj uziać naprakat skrynku ad aparata dla fatahrafij u sacyjalnych sietkach, piša Tut.by.
Aŭtar abjavy prapanuje ŭziać skrynku ŭ arendu na 10 chvilin za 40 rubloŭ. U košt prapanovy ŭvachodzić dastaŭka pa Minsku. Kolkaść fotazdymkaŭ, jakija možna zrabić za adviedzieny čas, nie abmiežavany. Prapanova dziejničaje 4, 5 i 6 listapada.
«Usio pa-sapraŭdnamu. Ja prosta pahladzieŭ u internecie, što ŭ Maskvie takoje praktykujuć, i vyrašyŭ pasprabavać tut. Šmat ažyjatažu vakoł hetaha, ale pakul nichto nie źviartaŭsia. Usie dumajuć, što heta rozyhryš», - raspavioŭ nam aŭtar abjavy Jaŭhien.
