Marzaluk ab himnazijach: Ministr adukacyi fanacieje ad finskaj i estonskaj madeli
U Biełarusi projduć parłamienckija słuchańni pa prablemach adukacyi, dzie abmiarkujuć i toje, jakimi buduć himnazii i jak tudy buduć pastupać.
— Usie, chto žyvie ŭ našaj krainie, viedaje, što ciapier idzie dyskusija ab adukacyi. U pieršuju čarhu heta pytańnie ab himnazijach, — raspavioŭ deputat, staršynia kamisii pa adukacyi parłamienta Ihar Marzaluk, vystupajučy na KEF-2017, piša Tut.by.
Deputat, jaki byŭ adzinym pradstaŭnikom aficyjnych uładaŭ padčas abmierkavańnia sistemy adukacyi na kanfierencyi, nie staŭ chavać: pierad KEF jon sustrakaŭsia ź ministram adukacyi Iharam Karpienkam — «udakładniali pazicyi».
Ihar Marzaluk paviedamiŭ, što raniej naša kraina raźvivałasia pavodle niamieckaj adukacyjnaj madeli, dzie pryniataja rańniaja śpiecyjalizacyja himnazijaŭ.
— A ciapierašni ministr adukacyi, jakoha niekatoryja nazyvajuć čyrvonym (byŭ kiraŭnikom kampartyi), fanacieje ad finskaha i estonskaha vopytu (himnazii ŭ Estonii arhanizavany paśla 9 kłasa). I bačyć idealnuju madel adukacyi takoj, jakaja jana jość u hetych krainach. Z hetym źviazana ŭ tym liku i sproba admovicca ad ekzamienaŭ u himnazii paśla čaćviortaha kłasa.
Pa słovach Ihara Marzaluka, ministerstva padrychtavała narmatyŭna-pravavy akt pa himnazijach:
- Jany zachavajucca, jany nie buduć tym ža, što jość zvyčajnyja škoły. Ale ekzamienaŭ u himnazii nie budzie. U škołach źjaviacca himnazičnyja kłasy, ale heta nie značyć, što jany buduć ŭsiudy - tolki tam, dzie budzie adpaviednaja kvalifikacyja.