Patryjarch Kirył nazvaŭ zachapleńnie technałohijami kvazirelihijaj, a raźvićcio miedtechnałohij — vyklikam
Patryjarch Maskoŭski i ŭsiaje Rusi Kirył zajaviŭ ab niemahčymaści dasiahnuć z dapamohaj navuki i technałohij «daskanałaści i nieŭmiručaści».
Pramova Kiryła na XXI Suśvietnym ruskim narodnym sabory. Fota: patriarchia.ru
«Čujucca hałasy, što sučasnyja technałohii zdolnyja stvarać štučny intelekt i štučnyja orhany, što chutka ŭdasca tak madernizavać naš rozum i cieła, što ŭźniknuć novyja istoty. Viera ŭ technałohii siońnia — toje ž, čym była viera ŭ prahres. Heta svojeasablivaja kvazirelihija, — vykazaŭsia patryjarch na pasiadžeńni XXI Suśvietnaha ruskaha narodnaha sabora. — Usio heta viadzie ŭ bok ad mahistralnaha chryścijanskaha šlachu. U kančatkovym vyniku — u bok rasčałaviečvańnia, hipiertrafavanaj indyvidualizacyi, a značyć — i da razbureńnia socyuma i kanca historyi».
Taksama kiraŭnik Ruskaj pravasłaŭnaj carkvy nazvaŭ imklivaje raźvićcio miedycynskich i hienietyčnych technałohij surjoznym vyklikam tradycyjnamu hramadstvu i chryścijanskamu pohladu na čałavieka:
«Surjoznym vyklikam bačycca burnaje raźvićcio miedycynskich i hienietyčnych technałohij. Futurołahi ŭžo pradkazvajuć chutkaje rassłajeńnie čałaviectva na dźvie rasy. Adnym pradrakajuć vielič zvyšludziej, a inšym — los padnačalenych».
Pa słovach patryjarcha, pradstaŭniki hłabalnych elitaŭ marać za košt darahich technałohij transfarmavać svaje cieły tak, kab śmierć dla ich adsunułasia na mnohija dziesiacihodździ, u toj čas jak dla absalutnaj bolšaści ludziej heta budzie niemahčymym.
