U Biełarusi znoŭ źjavilisia pieraroblenyja pad jeŭra sierbskija dynary FOTA
Žychary Baranavičaŭ sprabavali abmianiać u banku cierbskija dynary, pieraroblenyja pad jeŭra, paviedamlaje ŭpraŭleńnie Dziaržaŭnaha kamitetu sudovych ekśpiertyz pa Bresckaj vobłaści.
U adździaleńnie banka Baranavičaŭ źviarnuŭsia mužčyna 1991 hoda naradžeńnia, jaki pradjaviŭ da abmienu banknotu vartaściu 200 jeŭra. Sapraŭdnaść banknoty vyklikała sumnieŭ u supracoŭnika banka, pra što jana prainfarmavała pravaachoŭnyja orhany.
Fota HKSE
Jak paśla rastłumačyŭ mužčyna, kupiuru jon nabyŭ u Krymie ŭ pryvatnaj handlovaj kropcy. Apošni vypadak abmienu pieraroblenych na jeŭra sierbskich dynaraŭ byŭ zarehistravany ŭ Minsku ŭ žniŭni minułaha hodu.
fota HKSE
Praź niekalki dzion jašče adnu kupiuru ŭ 500 jeŭra pasprabavaŭ abmianiać na biełaruskija rubli inšy žychar Baranavičaŭ 1958 hoda naradžeńnia. Jana taksama vyklikała sumnieŭ u sapraŭdnaści. Klijent pryznaŭsia, što banknotu jon znajšoŭ na vulicy i vyrašyŭ abmianiać. Pra toje, što valuta padroblenaja, abodva mužčyny ź ichnych słovaŭ nie zdahadvalisia.
Pavodle zaklučeńnia ekśpierta, kupiury źjaŭlajucca hrašyma Respubliki Sierbija, ale pieršapačatkovy ichny źmiest źmienieny šlacham padčystki niekatorych rekvizitaŭ i naniasieńnia novych malunkaŭ šlacham kalarovaha druku na pryntery. Pa dadzienym fakcie milicyja pravodzić pravierku.