Biełarusy Kanady dasyłajuć vinšavańni Halinie Siarhiejevaj z nahody jubileju
16 kastryčnika 2017 h. spoŭniłasia 80 hod siabru Zhurtavańnia Biełarusaŭ Kanady Halinie Haŭryłaŭnie Siarhiejevaj, kandydatu histaryčnych navuk, u minułym zahadčyku adździełu mižnarodnych suviaziaŭ Biełarusi Instytutu historyi Akademii navuk Biełarusi na praciahu 10 hod, vučonamu sakrataru navukovaje rady pry instytucie pa abaronie doktarskich i kandydackich dysiertacyjaŭ, aŭtaru šerahu pracaŭ pa tematycy biełaruskaje dyjaspary i inš.
U svoj čas Spadarynia Halina Siarhiejeva rychtavała Michasia Tkačova da abarony doktarskaje dysiertacyi, u peŭnym sensie paspryjała pieratestacyi kandydataŭ navuk Zianona Paźniaka i Valancina Hołubieva, jakich praź cisk na vučonuju radu Instytutu z boku partkamu sprabavali pazbavić pracy, to bok, srodkaŭ isnavańnia.
U Dzień Narodzinaŭ Spadaryni Haliny pradstaŭniki Zhurtavańnia Biełarusaŭ Kanady pavinšavali jaje ź jubilejem. Ichny vizit z uručeńniem bardovych ružaŭ razam z knihaju ''Ajčyna'' Uładzimiera Arłova i Paŭła Tatarnikava i kubkam z vyjavaju Kamianieckaje Viežy staŭsia nastolki niečakanymi, što Spadarynia Halina rasčuliłasia i ŭžo nie supraciŭlałasia prośbie skazać niekalki słovaŭ z nahody jejnaha asabistaha śviata, što byli zanatavanymi na videa.
U pryvatnaści, Spadarynia Halina Siarhiejeva adznačyła, što joj pašancavała, što pry jejnym žyćci adbylisia losavyznačalnyja padziei na jejnaj Radzimie Biełarusi, kali ŭžo zdavałasia, što žalezabetonny Saviecki Sajuz nie razvalicca tak chutka, jak heta zdaryłasia, i my staniemsia volnymi. I tut dla jaje stała vialikim ščaściem i adnačasna ździŭleńniem toje, što ŭ Biełarusi paŭstała prystojnaja apazicyja, jakaja zdoleła zdabyć niezaležnaść krainy i nakiravać jaje pa niekalki inšamu šlachu, čym na heta raźličvała tahačasnaja aficyjnaja biełaruskaja ŭłada. Spadarynia Halina vielmi ščaślivaja, što joj daviałosia pažyć u hetaj novaj Biełarusi. Ale zdaryłasia tak, što jana apynułasia ŭ emihracyi. I heta stałasia źviazanym z rašeńniem jejnych dziaciej, jakija vyrašyli naładzić žyćcio u inšaj krainie, u Kanadzie. I jana pajechała, kab dapamahčy im ustalavacca ŭ novaj dziaržavie. Spadarynia Halina adznačyła jašče, što jana ščaślivaja j i ŭ tym, što j tut u jaje była dobraja staronka žyćcia nia tolki u asabistym planie, što jejnyja dzieci i ŭnuki dobra ŭładkavalisia ŭ Kanadzie, ale jašče j u tym, što ja znajšła tut takich ludziej, što padtrymali jejnaje pačućcio, razumieńnie biełaruskaści, jejnyja adnosiny da Biełarusi, da biełaruskaje nacyi. Jana ŭściešana tym, što tut isnuje takaja arhanizacyja, jak Zhurtavańnie Biełarusaŭ Kanady, u šerahach jakoje jana maje honar znachodzicca. Isnavańnie j dziejnaść Zhurtavańnia jość adznakaju taho, što Biełaruś žyvie, žyvie biełaruskaść nia tolki ŭ samoj Biełarusi, ale i j tut, u zamiežžy.
Łarysa Jazykovič, hałoŭny redaktar Vydaviectva «Biełaruskaja Encykłapiedyja imia Pietrusia Broŭki», dasłaŭšaja vinšavańni Spadaryni Halinie Siarhiejevaj, raspaviała aŭtaru hetaha artykuła, što viedaje Halinu Haŭryłaŭnu Siarhiejevu z 1977 hoda, kali jana — zusim maładaja dziaŭčyna Łarysa, paśla skančeńnia histaryčnaha fakultetu Biełaruskaha dziaržaŭnaha univiersitetu pryjła vučycca ŭ aśpiranturu Instytutu historyi Nacyjanalnaj akademii navuk Biełarusi. U toj čas Halina Siarhiejeva pracavała ŭ Instytucie viadučym navukovym supracoŭnikam, paźniej — zahadčykam adździeła mižnarodnych adnosinaŭ Biełarusi. Razam ź joju Łarysia Jazykovič pačała hruntoŭnaje vyvučeńnie historyi Biełaruskaje Dyjaspary ŭ śviecie. Charaktaryzujučy asobu Spadaryni Haliny Siarhiejevaj Łarysa Jazykovič padkreślivaje, što heta vielmi daśviedčany, pryncypovy i adnačasna adkryty da dyjałohu čałaviek. Spadarynia Halina Siarhiejeva vučyła jaje pracavać z dakumentami, histaryčnymi pieršakrynicami, zaŭsiody mahła dać kaštoŭnuju paradu ŭ navukovych i žyćciovych spravach.
Rasspaviadajučy pra Spadaryniu Halinu Siarhiejevu Dyrektar BINIM, Ńju-Jork Vitaŭt Kipiel u pryvatnaści ŭzhadaŭ nastupnaje:
''… Ź vialikaj pryjemnaściu dałučajusia da biełarusaŭ Kanady u adznačeńni jubileju Spadaryni Haliny Siarhiejevaj - salidnaha biełaruskaha navukoŭca. Adnačasna nie mahu ŭstrymacca ad pary pryjemnych razvažańniaŭ-uspaminaŭ. Sa Spadaryniaj Halinaj Siarhiejevaj my, Janka Zaprudnik, Zora Kipiel, Vitaŭt Kipiel, paznajomilisia ŭ travieni 1991 h. u Miensku na Pieršym Kanhresie Biełarusistaŭ, na jaki my, siabry Biełaruskaha Instytutu Navuki i Mastactva ŭ Niu Jorku, ZŠA, byli zaprošanyja. Prypomniu: Miensk u travieni 1991 h. byŭ jašče horadam imperyi SSSR. A my byli pradstaŭnikami Biełaruska-Amerykanskaj arhanizacyi. Jasna, na Kanhresie, u dačynieńni da nas, amerykancaŭ, aściarožnaść adčuvałasia. Tym nia mieńš, na sesijach, pasiedžańniach my vystupali zychodziačy z pryncypovych pazicyjaŭ, pradstaŭlajučy svaje pohlady, nie zaŭsiody pazityŭnyja da SSSR. Ale kiraŭnictva Kanhresu, a Spadarynia Halina Siarhiejeva była adnaja ź jahonych viadučych kiraŭnikoŭ, vydatna viali planary, dajučy nam poŭnuju svabodu vykazvańniaŭ. Na Kanhresie my adčuli, što i ŭ savieckaj Biełarusi jość daśledčyki nacyjanalnaha biełaruskaha kštałtu, a nie tolki savieckaha. Biasprečna, Spadarynia Halina Siarhiejeva naležyć da avanhardu biełaruskich nacyjanalnych navukoŭcaŭ, a jejny pobyt-praca ŭ Kanadzie — pazityŭnaja adznaka ŭsiaje Biełaruskaje Dyjaspary…''
Vinšujučy Spadaryniu Halinu Siarhiejevu ź žyćciovym jubilejem Staršynia Rady BNR Spadarynia Ivonka Surviłła taksama vykazała joj pažadańnie, kab ''spoŭnilisia našyja ahulnyja mary pra budučyniu našaj Baćkaŭščyny''. Staršynia KCHP-BNF Doktar Zianon Paźniak zyčyć Jubilaru ''mocnaha zdaroŭja i dziejnaj enerhii dziela našaj ahulnaj Biełaruskaj spravy i darahoj Baćkaŭščyny''.
Fota Iryny Varabiej
Kanadyjskaja dyzajnierka Iryna Varabiej uzhadała, što paznajomiłasia sa Spadaryniaj Halinaj Siarhiejevaj užo ŭ Kanadzie, padčas jejnaha vizitu ŭ krainu ci nie piatnaccać hadoŭ tamu, i adrazu adčuła vialikuju pryciahalnaść hetaha čałavieka. Škaduje, što mała daviałosia za hetyja hady ź joj kantaktavacca, bo sa Spadaryniaj Halinaj zaŭsiody cikava, jana tak šmat viedaje, u joj stolki dośviedu ŭ Biełaruščynie i prosta žyćciovaha. Iryna Varabiej hanarycca svaim siabroŭstvam z sa Spadaryniaj Halinaj Siarhiejevaj, zaŭsiody ciešycca ichnymi choć i redkimi, ale zapaminalnymi sustrečami i sumoŭjem.
Da vinšavańniaŭ, što z usiaje Eŭropy j Ameryki jšli u adras Spadaryni Haliny Siarhiejevaj, taksama dałučylisia hałoŭny redaktar hazety ''Biełarus'' Spadarynia Hanna Surmač, Ńju-Jork, ZŠA, doktar Halina Tumiłovič, Atava, Kanada.
U liście Hałoŭnaje Ŭpravy Zhurtavańnia Biełarusaŭ Kanady, nakiravanym Spadaryni Halinie Siarhiejevaj, jość takija radki:
''… Hanarymsia tym, što majem Vas u našaj Biełaruskaj Kanadzie. Vy nie tak daŭno dałučylisia da tutejšaha biełaruskaha arhanizacyjnaha žyćcia, ale paśpieli ŭžo šmat u čym dapamahčy našaj hramadzie. Akademičny ŭzrovień i źmiastoŭnaść Vašych vystupaŭ na histaryčnyja temy, Vaš aktyŭny ŭdzieł u hramadzkich i kulturnych imprezach zaŭsiody ščyra vitajucca hramadoj. Vašyja ścipłaść, dabrazyčlivaść i pryjaznaść duža pryciahalnyja, jany pa-sapraŭdnamu našy, biełaruskija. Vas pavažajuć, z Vas biaruć prykład. Ciešymsia, što majem siarod nas nie tolki navukoŭcu vysokaha ŭzroŭniu, ale j ščyruju biełarusku, pryhožuju žančynu! Vierym, što i nadalej budziecie dapamahać nam svaimi hłybokimi viedami, žyćciovym dośviedam i dobraj paradaj. Mnohaja Leta, Spadarynia Halina!''
Z pryjemnaściu j zadavalnieńniem dałučajemsia da vyšejskazanaha.
