Ministr abarony Brytanii padaŭ u adstaŭku, bo pakłaŭ ruku na žurnalistku
Ministr abarony Vialikabrytanii Majkł Fełan padaŭ u adstaŭku. Pra svoj namier pakinuć pasadu Fełan apaviaściŭ premjera Terezu Mej adpaviednym listom. Rašeńnie pakinuć pasadu Fełan patłumačyŭ svaimi nieprystojnymi pavodzinami ŭ minułym.
Fota Telegraph.
«Apošnimi dniami źjaviłasia niekalki abvinavačvańniaŭ u adras parłamientaryjaŭ, u tym liku i tych, što datyčacca maich pavodzin u minułym. Mnohija ź ich iłžyvyja, ale ja zhodny z tym, što ŭ minułym ja pavodziŭ siabie nižej za toj uzrovień, jaki patrabujecca dla Uzbrojenych sił krainy, jakija ja maju honar pradstaŭlać», — havorycca ŭ liście.
«Ja razvažaŭ nad svaim stanoviščam, i ciapier pajdu ŭ adstaŭku z pasady ministra abarony», — napisaŭ Fełan.
Pra jaki kankretna ŭčynak idzie havorka, u zajavie Fełana nie ŭdakładniajecca. Raniej na hetym tydni jon prynosiŭ prabačeńni za incydent, jaki mieŭ miesca 15 hadoŭ tamu, nahadvaje The Guardian. U pryvatnaści, Fełan prynios prabačeńni paśla taho, jak brytanskaja žurnalistka Džulija Chartli-Brujer raspaviała, što toj pakłaŭ joj ruku na kalena.
Ci byli niejkija inšyja incydenty, jakija mahli paŭpłyvać na rašeńnie Fełana pajści ŭ adstaŭku, niezrazumieła, dadaje vydańnie.
This "incident" happened in 2002. No one was remotely upset or distressed by it. My knees remain intact. I refer you to my earlier statement pic.twitter.com/TWTj0nnsWb