1 listapada — vialikaja impreza «Dziejasłova»: buduć Arłoŭ, Chadanovič, Žybul, Dubaviec, ihraje «Krama»
U mienskim kłubie «Hraj» (Internacyjanalnaja, 33) viadomy niezaležny litaraturny časopis Biełarusi adśviatkuje svajo 15-hodździe. Čakajecca sapraŭdny fiestyval litaratury i muzyki.
Roŭna 15 hod tamu, paśla razhonu ŭładami redakcyj litaraturnych vydańniaŭ i abjadnańnia ich u mininfarmaŭski chołdynh, Sajuz piśmieńnikaŭ zasnavaŭ svoj, niezaležny litaraturny časopis «Dziejasłoŭ». Pryncypova tolki ŭ im stali drukavacca Janka Bryl, Ryhor Baradulin, Nił Hilevič, Hienadź Buraŭkin. Tut ža publikavałasia paśmiarotnaja spadčyna Vasila Bykava — apovieści «Afhaniec» i «Blindaž», apaviadańnie «Butelčyna, albo Prezident na drevie», dziońnik Uładzimira Karatkieviča.
Siońnia «Dziejasłoŭ» — taja niezaležnaja placoŭka, dzie kožny moža paznajomicca z najlepšymi mastackimi tvorami sučasnaj biełaruskaj litaratury, krytykaj, pierakładami i non-fikšn (nieprydumanaj litaraturaj).
Dastatkova skazać, što ŭsie biez vyklučeńnia łaŭreaty Premii Hiedrojca — stałyja aŭtary časopisa.
1 listapada ŭ kłubie «Hraj» časopis pavinšujuć Valancina Aksak, Uładzimier Arłoŭ, Ihar Babkoŭ, Leanid Hałubovič, Volha Hapiejeva, Leanid Drańko-Majsiuk, Siarhiej Dubaviec, Viktar Žybul, Nasta Kudasava, Valaryna Kustava, Ludmiła Rubleŭskaja, Vital Ryžkoŭ, Michaś Skobła, Andrej Chadanovič, Viktar Šałkievič.
U prahramie — žyvaja muzyka ad hurtoŭ «Recha», «Bar Akaryna», a taksama lehiendarnaj «KRAMY»!
Pačatak a 18.30.
Uvachod volny.
