Zasnavalnik Wikipedia: na sajt encykłapiedyi štomiesiac zachodziać z 1,2 młrd pryład
Džymi Uejłz udakładniŭ, što pry acency nie ŭličvalisia ŭ poŭnaj miery karystalniki, jakija žyvuć u afrykanskich krainach abo Kitai.
Ludzi z usiaho śvietu štomiesiac vykarystoŭvajuć kala 1,2 młrd padłučanych da internetu pryładaŭ, kab čytać artykuły, raźmieščanyja ŭ anłajn-encykłapiedyi Wikipedia. Pra heta zajaviŭ na dziełavym forumie Global Synergy Forum, jaki zaviaršyŭsia ŭ subotu ŭ Ńju-Jorku, zasnavalnik hetaha sietkavaha daviednika Džymi Uejłz, piša TASS.
«U nas bolš za 400 młn unikalnych naviednikaŭ štomiesiac», — paviedamiŭ Uejłz, spasłaŭšysia na halinovuju statystyku. Razam z tym, pradprymalnik rastłumačyŭ, što ŭ dadzienych acenkach mohuć nie ŭličvacca ŭ poŭnaj miery čytačy, jakija žyvuć u afrykanskich krainach ci Kitai. Realnyja pakazčyki, na jaho dumku, mohuć być i vyšejšyja.
Bolš moŭ
Uejłz nahadaŭ, što ŭ Wikipedia ŭžo bolš za 40 młn artykułaŭ, ź ich kala 5 młn na anhlijskaj movie. «Siehmient Wikipedia na inšych, movach značna bolšy, čym pa-anhlijsku, i heta vielmi važna razumieć», — kanstatavaŭ pradprymalnik.
Biznesmien dadaŭ, što, zhodna z ahučanymi dadzienymi, Wikipedia dastupnaja na 284 movach. «Miarkuju, hety lik istotna zavyšany», — adznačyŭ jon. Zasnavalnik encykłapiedyi rastłumačyŭ, što na niekatorych z tych moŭ u realnaści staronak vielmi mała ci amal niama. Pavodle jaho słoŭ, bolš pravilna było b skazać, što Wikipedia dastupnaja na 240 movach.
Pradprymalnik zajaviŭ ab płanach stvaryć u encykłapiedyi siehmienty na kožnaj z moŭ z choć by miljonam nośbitaŭ. U kožnym z nazvanych siehmientaŭ, pavodle jaho słoŭ, u pierśpiektyvie pavinna być nie mienš za 250 tys. publikacyj.
Vikipiedyja pa-biełarusku isnuje ŭ dźviuch viersijach: aficyjnym pravapisam i taraškievicaj. Razam u abiedźviuch viersijach źmiaščajecca 208 610 artykułaŭ.
