U vychadnyja zakryjuć ruch transpartu pa vulicy Łandara

Ruch transpartu pa vuł. Łandara zakryjuć 28 i 29 kastryčnika, paviedamili «Minsk-Navinam» u pradpryjemstvie «Staličny transpart i suviaź».

U hetyja dni budzie vieścisia asfaltavańnie vuł. Łandara na ŭčastku ad vuł. Kazinca da razvarotnaha kalca aŭtobusaŭ. Adpaviedna, z 7:00 28 kastryčnika mierkavana da 22:00 29 kastryčnika budzie zakryty ruch transpartu.

Praca aŭtobusaŭ maršrutaŭ № 40, 53, 1076-TK, 1112-TK na ŭčastku ad pł. Kazinca arhanizujecca pa vuł. Karžanieŭskaha, Łandara da kančatkovaha punkta «Łandara» (u rajonie doma №54) u abodvuch napramkach z vykanańniem usich pramiežkavych prypynačnych punktaŭ na źmienienym učastku.

0

0

0

0

0

0