SAAZ pieradumała pryznačać prezidenta Zimbabve pasłom dobraj voli
AP
Suśvietnaja arhanizacyja achovy zdaroŭja (SAAZ) admianiła pryznačeńnie kiraŭnika Zimbabve Robierta Muhabe pasłom dobraj voli. Pra heta paviedamiŭ hienieralny dyrektar SAAZ Tedras Adchanam Hiebrejesus.
«Na praciahu niekalkich dzion ja razvažaŭ pra majo pryznačeńnie prezidenta Zimbabve Robierta Muhabe pasłom dobraj voli ŭ Afrycy pa nieinfiekcyjnych zachvorvańniach. U vyniku ja vyrašyŭ admianić pryznačeńnie», — napisaŭ Adchanam.
Pavodle jaho słoŭ, jon uvažliva prysłuchaŭsia da krytyki ŭ dačynieńni da abranaha kandydata. Adchanam taksama padziakavaŭ usim, chto vykazaŭsia pa hetym pytańni.
U pryvatnaści rašeńnie ab pryznačeńni krytykavali hrupy, jakija zajmajucca raźvićciom achovy zdaroŭja i abaronaj pravoŭ čałavieka. Jany kazali, što pry Muhabe sistema achovy zdaroŭja Zimbabve była razburana.
