Premjer-ministr Ispanii: Urad i parłamient Katałonii buduć raspuščanyja
Premjer-ministr Ispanii Maryjana Rachoj abviaściŭ, što ŭ ramkach abmiežavańnia aŭtanomii Katałonii ŭrad rehijona budzie raspuščany, a parłamient pieraabrany. Ich paŭnamoctvy pieradaduć centralnym uładam, abviaściŭ Rachoj paśla pasiadžeńnia kabinieta ministraŭ 21 kastryčnika.
«Nivodnaja kraina śvietu nie dapuściła ŭ siabie takoha» (adnabakovaha abviaščeńnia niezaležnaści), — skazaŭ Rachoj
Takija miery ispanski ŭrad choča ŭvieści ŭ ramkach 155-ha artykuła Kanstytucyi, jaki dazvalaje prypynić aŭtanomiju ŭ tych vypadkach, kali rehijanalnyja ŭłady parušajuć zakon i pahražajuć intaresam usioj krainy.
Aplicamos el artículo 155 para restaurar la legalidad en el autogobierno de Cataluña. Nadie puede aceptar que se viole la ley #CMinpic.twitter.com/BErA7WMlMy
Dla adnaŭleńnia paradku ŭ Katałonii na praciahu paŭhoda praviaduć vybary ŭ parłamient, jaki zatym zaćvierdzić novy ŭrad.
Čakajecca, što prośba ŭrada ab abmiežavańni paŭnamoctvaŭ katałonskich ŭładaŭ budzie padtrymana Sienatam Ispanii 27 kastryčnika i ŭstupić u siłu na nastupny dzień.