Łukašenka raspavioŭ, čaho choča Siamaška
president.gov.by
Sychod ad pierakryžavanaha subsidavańnia ciesna ŭviazany z rostam dachodaŭ nasielnictva. Pra heta zajaviŭ Alaksandr Łukašenka siońnia na respublikanskim sieminary pa ŽKH, piša BiełTA.
«My pastarajemsia da 2020 hoda adyści ad kryžavanaha subsidavańnia. Hetaha vielmi choča Siamaška (namieśnik premjer-ministra) i pramysłovy siektar krainy. Kali łaska, my nie suprać. Ale vam pryjdziecca padniać zarobak, prytym istotna. Ci zmožacie jašče napałovu padniać zarobak da taho, što jość, — kali łaska, my ludziam skažam: voś vam dabaŭka da zarobku i stoadsotkavaja apłata. Hulni ŭ adny varoty być nie pavinna», — skazaŭ Alaksandr Łukašenka.
Jon padkreśliŭ, što sychod ad pierakryžavanaha subsidavańnia pavinien ažyćciaŭlacca za košt pavyšeńnia efiektyŭnaści raboty haliny, dalejšaha źnižeńnia vydatkaŭ, udaskanaleńnia narmatyvaŭ, dyfierencyjacyi taryfaŭ, madernizacyi žyllova-kamunalnaj haspadarki. «Voś šlachi vyrašeńnia hetaj prablemy. U nas jość dziaržprahrama, i jaje varta vykonvać», - adznačyŭ jon.
