U krainach Afryki viedźmaki ŭsio čaściej praktykujuć čałaviečyja achviaraprynašeńni, na dziaciej asablivy popyt
U apošnija dziesiacihodździ va Uhandzie i niekatorych inšych krainach Afryki miascovyja viedźmaki praktykujuć čałaviečyja achviaraprynašeńni — tak tut pazbaŭlajucca ad chvarob, prablem u biznesie i asabistym žyćci. Kolkaść afrykancaŭ, jakija zahinuli ad rytualnych nažoŭ, vyličajecca niekalkimi sotniami ŭ hod, piša časopis «Novoje vriemia» sa spasyłkaj na zachodnija ŚMI.
AAR
«Rytualnaje achviaraprynašeńnie było častkaj našych praktyk jašče z časoŭ pradziedaŭ»,— paćviardžaje lekar z akruhi Masaka ŭ intervju z daśledčykam Univiersiteta Makierere va Uhandzie.
U 2009 hodzie Univiersitet Makierere pravioŭ sieryju fokus-hrup na zamovu miascovaha ministerstva hiendaru, pracy i sacyjalnaha raźvićcia ŭ suviazi z nabirajučaj maštab žudasnaj źjavaj: pačynajučy z kanca 90-ch hadoŭ va Uhandzie stali źnikać dzieci. Cieły niekatorych ź ich potym znachodzili abiezhałoŭlenymi i raździelenymi.
Jak vyśvietliłasia, kroŭ, jazyk, hienitalii i inšyja častki dziciačych ciełaŭ u svaich rytuałach vykarystoŭvali viedźmaki. Vypadki čałaviečaha achviaraprynašeńnia vyjavili i ŭ inšych afrykanskich krainach —Tanzanii, Nihieryi, Svazilendzie, Libieryi, Batsvanie, Paŭdniovaj Afrycy, Namibii i Zimbabve. Achviarami viedźmakoŭ stanavilisia jak dzieci, tak i darosłyja.
AR
Tak, u vieraśni 2017-ha palicyja Uhandy aryštavała 44 padazravanych u rytualnych zabojstvach žančyn i dziaciej. Čałaviečyja achviaraprynašeńni stali častkaj sistemy tradycyjnych vieravańniaŭ i rytuałaŭ uhandzijcaŭ tolki ŭ apošnija dziesiacihodździ, śćviardžajuć ekśpierty. Hetamu spryjali biednaść, nieraŭnamiernaje ekanamičnaje raźvićcio rehijonaŭ krainy, niedaskanałaje zakanadaŭstva i nizki adukacyjny ŭzrovień nasielnictva. Niahledziačy na toje, što ŭ apošnija try hady VUP krainy ros u siarednim na 5%, a dola nasielnictva za rysaj biednaści źniziłasia z 31% u 2006-m da 19,7% u 2013 hodzie, daloka nie ŭsie miascovyja žychary adčuli palapšeńnie.
Siońnia tracina nasielnictva Uhandy pa-raniejšamu zaniataja ŭ sielskaj haspadarcy, jakaja zastajecca nizkapradukcyjnaj z-za vykarystańnia prymityŭnych technałohij. Asabliva depresiŭnym źjaŭlajecca paŭnočny rehijon, dzie bolš za 80% hramadzian žyvuć u biednaści, a dostup da elektryčnaści majuć usiaho 4% chatnich haspadarak. Va Uhandzie amal nie pracujuć sacyjalnyja lifty, i niekatoryja zababonnyja biedniaki budujuć svoj dabrabyt, pryciahvajučy vyšejšyja siły.
AR
Źviartajucca pa pasłuhi viedźmakoŭ-lekaraŭ i zamožnyja afrykancy, jakija z dapamohaj mahičnych rytuałaŭ chočuć zachavać i prymnožyć ułasny kapitał. Ułady Uhandy jašče ŭ 2009 hodzie stvaryli ŭ składzie miascovaj palicyi śpiecyjalnaje padraździaleńnie pa baraćbie z čałaviečym achviaraprynašeńniem. Pavodle danych viedamstva, u 2016 hodzie ŭ rytualnych metach byli zabityja siamiora dziaciej, jašče stolki ž — hodam raniej. Adnak u hramadskich arhanizacyjach niezadavolenyja pracaj śpiecpadraździaleńnia, a zajaŭlenuju im statystyku nazyvajuć zanižanaj. Aktyvisty śćviardžajuć: kolkaść rytualnych zabojstvaŭ va Uhandzie vyličajecca sotniami ŭ hod, a raspaŭsiudžvańniu źjavy spryjajuć sami žychary krainy.
«My ličym, što hramadstva farmuje popyt na častki dziciačych ciełaŭ»,— padkreślivaje Roŭz Nałubieha, śpiecyjalist dabračynnaj arhanizacyi Humane Africa, jakaja ŭžo dziesiać hadoŭ zmahajecca z žudasnymi praktykami ŭ Paŭdniovaj i Uschodniaj Afrycy. Kali ludzi pierastanuć źviartacca da viedźmakoŭ-lekaraŭ, nad dziećmi pierastanie navisać pahroza być pryniesienymi ŭ achviaru, upeŭnienaja jana.
