Žychar Minska kraŭ kašalki ŭ ankapacyjentaŭ
U adnoj z klinik Minskaha rajona zatrymany žychar stalicy, jaki kraŭ kašalki pacyjentaŭ, u tym liku tych, chto prachodziŭ lačeńnie ŭ ankałahičnych adździaleńniach, paviedamili va UUS Minskaha abłvykankama.
Zajavy ab kradziažy kašalkoŭ z hrašyma stali pastupać u milicyju ad pacyjentaŭ balnic Minskaha rajona i stalicy z pačatku kastryčnika. Ludzi tłumačyli, što majomaść źnikała z pałat, kali jany abiedali ŭ stałovaj.
Paśla vyvučeńnia zapisaŭ z kamier videanazirańnia byŭ vyjaŭleny mierkavany złodziej. Im akazaŭsia 30-hadovy žychar Minska, jaki vyzvaliŭsia ź miescaŭ pazbaŭleńnia voli ŭ kancy vieraśnia, dzie adbyvaŭ pakarańnie za anałahičnyja złačynstvy. U chodzie dalejšych apieratyŭna-vyšukovych mierapryjemstvaŭ padazreńni supracoŭnikaŭ pravaachoŭnych orhanaŭ paćvierdzilisia. Zatrymać złamyśnika supracoŭniki apieratyŭna-pošukavaha adździeła UUS abłvykankama zmahli z dokazami złačynstva ŭ adnoj z klinik u pas. Lasny Minskaha rajona.
Akazałasia, minčuk za try tydni abakraŭ bolš za 20 pacyjentaŭ, u tym liku tych, chto prachodziŭ lačeńnie ŭ ankałahičnych adździaleńniach. Za adzin pachod u miedustanovu jon moh skraści 3-4 kašalki. Ahulnaja suma vykradzienaha skłała zvyš za 2 tysiačy rubloŭ. Usie hrošy mužčyna prajhravaŭ u hulniavych kłubach i kazino.
U ciapierašni čas padazravany znachodzicca ŭ izalatary časovaha ŭtrymańnia. U dačynieńni da jaho raspačataja kryminalnaja sprava pa č. 2 art. 205 (kradziež, učynieny paŭtorna) KK RB, sankcyja jakoj praduhledžvaje pakarańnie da 4 hadoŭ pazbaŭleńnia voli.
Taksama padślednaha praviarajuć na dačynieńnie da anałahičnych złačynstvaŭ u inšych balnicach Minskaha rajona i stalicy.
