Źjaviłasia pieršaja rekłama prakładak z sapraŭdnaj kryvioju
Takim čynam brytanski vytvorca prakładak «Bodyform» vystupiŭ suprać tabujavańnia temy mienstruacyi ŭ hramadstvie. Da hetaha va ŭsioj rekłamie prakładak u kadry vakarystoŭvałasia vyklučna siniaja vadkaść.
U minułym hodzie rekłamščyki «Bodyform» pačali kampaniju #bloodnormal (kroŭ — heta narmalna) rolikam, dzie žančyny zajmajucca roznymi vidami sportu i paralelna vymazvajucca ŭ brud i kroŭ. Ciapier jany pajšli jašče dalej: u novaj rekłamie kroŭ stanovicca hałoŭnaj hierainiaj — źjaŭlajecca na prakładkach, ściakaje pa nazie kabiety, animatar u kaściumie prakładki tančyć na viečarynie i hetak dalej.
Šmat ludziej uspryniali novuju rekłamu vielmi pazityŭna, bo, jak ni kruci, u hramadstvie da hetaha času dziaŭčyn prymušajuć saromiecca čyrvonych dzion i ŭsialak chavać ich najaŭnaść: lubaja čyrvonaja plama na spadnicy ci nahavicach lohka moža stać abjektam śmiechu ci žadańnia prysaromieć.
Navukoŭcy raspaviali, kali luboŭ da sełfi stanovicca chvarobaj
Častaja publikacyja sełfi źjaŭlajecca simptomam psichičnaha zachvorvańnia, ličać miedyki. Adpaviednaje daśledavańnie apublikavana ŭ časopisie International Journal of Mental Health and Addiction.
Śpiecyjalisty raspracavali 20 śćviardžeńniaŭ, jakija tyčacca amataraŭ sełfi, i paprasili ŭdzielnikaŭ ekśpierymientu acanić ich dakładnaść pa škale ad 1 da 5. Usiaho ŭ daśledavańni brali ŭdzieł 400 čałaviek da 27 hadoŭ.
Na padstavie nazirańniaŭ psichołahi pryjšli da vysnovy, što lohkaja mientalnaja dysfunkcyja, jakuju śpiecyjalisty nazvali «siełficis», možna dyjahnastavać u čałavieka, jaki robić try zdymki štodzień, ale nie publikuje ich u internecie.
Vostruju stadyju zachvorvańnia vydaje žadańnie vykładvać vyjavy ŭ sietku. Nastupnaja faza — chraničnaja — heta stan, pry jakim pacyjent publikuje sełfi nie mienš za šeść razoŭ na dzień.
Na dumku psichołahaŭ, typovy chvory «sełficisam» — heta niaŭpeŭnieny ŭ sabie čałaviek, jaki imkniecca pryciahnuć da siabie bolš uvahi.
