Mužčynu źbiła «chutkaja», kali jon vybieh joj nasustrač ratavacca ad ranieńnia nažnicami
Ranica 18 kastryčnika była vielmi nasyčnaj dla 30-hadovaha žychara Krynicy, što ŭ Maładziečanskim rajonie, piša Rehijanalnaja hazieta.
Pačałosia ŭsio kala 8:00, kali z Maładziečna na terminovy vyklik vyjechała «chutkaja dapamoha».
U 8.20 u Krynicy «chutkaja» jechała ź mihałkami i hukavym sihnałam. Nasustrač vybieh miascovy 30-hadovy žychar. «Chutkaja» začapiła jaho lusterkam, mužčyna ŭpaŭ.
Ale ŭ balnicu jon byŭ dastaŭleny nie tolki ź niaznačnymi ŭšybami tvaru, ale z pranikajučym ranieńniem hrudnoj kletki.
Akazałasia, što ŭ toj momant, kali «chutkaja» śpiašałasia na vyklik, mužčyna ŭ stanie ałkaholnaha apjanieńnia pasvaryŭsia sa svajoj siastroj. Žančyna ŭdaryła jaho nažnicami ŭ hrudzi.
I ŭ hety momant mužčyna pačuŭ, što za voknami nabližajecca huk «chutkaj» dapamohi. Jon vyrašyŭ ratavacca ad ranieńnia i z nažnicami ŭ hrudziach pasprabavaŭ spynić «chutkuju».
