Nacbank nie płanuje dazvalać raźliki ŭ kryptavalutach
Pytańnie dazvołu raźlikaŭ u kryptavalutach u Biełarusi nie razhladajecca, zajaviŭ staršynia praŭleńnia Nacbanka Pavieł Kałaŭr 18 kastryčnika na adkryćci mižnarodnaha forumu pa bankaŭskich infarmacyjnych technałohijach «BankIT'2017», piša BIEŁTA.
— Što tyčycca kryptavalut, to pytańnie dazvołu raźlikaŭ u kryptavalutach za tavary, raboty, pasłuhi na terytoryi Biełarusi ŭ pryncypie nie razhladajecca, - skazaŭ Pavieł Kałaŭr.
U biełaruskim zakanadaŭstvie kryptavaluty pakul nijak nie rehulujucca. Pry hetym novy prajekt dekreta, jaki pavinien pieratvaryć Biełaruś u IT-krainu, praduhledžvaje ŭviadzieńnie ŭ hramadzianski abarot kryptavalut i tokienaŭ. Prapanujecca kompleksnaje pravavoje rehulavańnie dla taho, kab rezidenty PVT mahli akazvać pasłuhi kryptabirž, kryptaabmieńnikaŭ, pryciahvać finansavańnie pasrodkam ICO, vykarystoŭvać kryptavaluty i tokieny ŭ hramadzianskim abarocie. Heta daść mahčymaść uvieści ŭ lehalnaje pole nie tolki kriptovaluty, ale i dziejnaść tak zvanych majnieraŭ. U pierśpiektyvie stanovicca mahčymym lehalnaje stvareńnie ŭ Biełarusi bujnych majninhavych kryptacentraŭ.