U Minsku startavaŭ čempijanat vusnaŭ: za samyja seksualnyja dajuć €3000
Heta pieršy mižnarodny čempijanat pa seksualnaści vusnaŭ u biełaruskaj stalicy, ładzić jaho «Dzilis Kaśmietyk».
Vusny ŭdzielnic.
Paŭdzielničać moža lubaja paŭnaletniaja dziaŭčyna ź jakoj zaŭhodna krainy.
Treba ŭsiaho tolki zahruzić try zdymki ŭłasnych vusnaŭ i možna pretendavać na €300, €500, €1000 i €3000 z bonusnaj pajezdkaj na šopinh u Miłan. Heta pryz hladackich simpatyj, treciaje, druhoje miescy i Hran-pry. Finalistkam i sotni ŭdzielnic, što nie trapiać u finał, abiacajuć u padarunak parfumu.
Nijakaha prafiesijnaha žury pa vyznačeńni, čyje vusny samyja seksualnyja, niama. Pieramožcaŭ abiaruć narodnym hałasavańniem na sajcie konkursu.
Dasłać foty dla ŭdziełu možna da 8 śniežnia. U hety ž dzień uviečary projdzie finalnaja cyrymonija, dzie i ŭručać pryzy.
Pra pačatak konkursu abvieścili ŭsiaho paru dzion tamu, ale ŭžo šmat dziaŭčat adpravili svaje zdymki.
