Ułady druhi raz za hod panizili normu zabieśpiačeńnia minčukoŭ hramadskim transpartam
Haradskija ŭłady druhi raz za hod źmienšyli narmatyŭ zabieśpiačeńnia minčukoŭ hramadskim transpartam. Ciapier adzin aŭtobus (tramvaj, tralejbus, vahon mietro) prypadaje na dźvie tysiačy čałaviek niezaležna ad dnia tydnia. Takuju vysnovu možna zrabić na padstavie rašeńnia Minharvykankama, apublikavanaha na Nacyjanalnym pravavym partale, piša Tut.by.
U 2003 hodzie meryja pryniała rašeńnie «Ab ustanaŭleńni pieraliku dziaržaŭnych minimalnych sacyjalnych standartaŭ pa absłuhoŭvańni nasielnictva horada Minska». Tam prapisanyja normy nieabchodnaha zabieśpiačeńnia haradžan roznymi vyhodami ŭ roznych śfierach: ad ŽKH da hramadskaha charčavańnia.
Jość tam i punkt pra zabieśpiačeńnie hramadskim transpartam. Pieršapačatkova norma składała adzin aŭtobus (tralejbus), jaki pracuje na linii, na 1,5 tysiačy čałaviek. Ale ŭ listapadzie 2016 hoda narmatyŭ panizili da 1,55 tysiačy čałaviek u budni i 2 tysiač u vychodnyja.
A ciapier Minharvykankam zraŭniaŭ narmatyŭ u budni i vychodnyja. Ciapier siem dzion u tydzień na dźvie tysiačy minčukoŭ pavinien prypadać adzin aŭtobus (tramvaj, tralejbus, vahon mietro).