Upieršyniu ŭ krainie asudžanaja atrymała dypłom ab vyšejšaj adukacyi «za kalučym drotam»
Kryścina Smyčkova trapiła ŭ Homielskuju vypraŭlenčuju kałoniju №4, nie paśpieŭšy davučycca ŭ instytucie paru kursaŭ, tamu z radaściu skarystałasia mahčymaściu stać udzielnicaj mini-prajekta pa dystancyjnym i modulnym navučańni, paviedamlaje sb.by. Jaho meta — dapamahčy asudžanym atrymać zapatrabavanuju prafiesiju, a značyć, šaniec pracaŭładkavacca i naładzić svajo žyćcio. Da hetaha momantu ŭ papraŭčych ustanovach možna było atrymać tolki bazavuju, siaredniuju i prafiesijna-techničnuju adukacyju.
Fota: VK №4
Fota: VK №4
Uvieś adukacyjny praces byŭ arhanizavany z dapamohaj internetu. Na praciahu dvuch hadoŭ studenty-asudžanyja anłajn atrymlivali kansultacyi, karystalisia biblijatekami i prachodzili kantrol viedaŭ. A voś dziaržekzamien prachodziŭ užo ŭ prysutnaści kamisii ŭ ścienach kałonii. Dypłom pa śpiecyjalnaści «buchhałtarski ŭlik, analiz i aŭdyt» pieršaj vypusknicy prajekta Kryścinie Smyčkovaj pieradali va ŭračystaj abstanoŭcy.
U VK №4 vyšejšuju adukacyju dystancyjna atrymlivajuć 23 studentki. Padobnaja praktyka, pa słovach kaardynatara prajekta «Adukacyja adkryvaje dźviery» Maryny Malininaj, atrymała raspaŭsiud.
— Departamient vykanańnia pakarańnia pryniaŭ rašeńnie stvaryć takija centry dystancyjnaj adukacyi jašče ŭ vaśmi papraŭčych ustanovach krainy.