Kiroŭca skraŭ u načalnika siejf i pavioz na taksi ŭ Žłobin
Supracoŭnikami milicyi raskryty kradziež siejfa z hrašyma sa staličnaha ofisa, paviedamlaje pres-słužba haradskoj milicyi.
U milicyju źviarnuŭsia dyrektar ekśpiedytarskaj firmy i paviedamiŭ, što, pryjšoŭšy na pracu, nie pabačyŭ u ofisie siejf.
U chodzie apieratyŭna-vyšukovych mierapryjemstvaŭ byŭ zatrymany 23-hadovy kiroŭca hetaj firmy. Napiaredadni jon tajemna zrabiŭ sabie dublikat kluča ad ofisa.
Kala 3 hadziny nočy jon trapiŭ u pamiaškańnie, dastaŭ siejf z šafy i pakłaŭ jaho ŭ vialikuju sumku dla łodki.
Dalej spyniŭ taksi i pajechaŭ da siabie dadomu ŭ Žłobin.
Pryjechaŭšy ŭ haraž, małady čałaviek adkryŭ zamok, dastaŭ hrošy (850 dalaraŭ, 24 tys. biełaruskich rubloŭ, paśla čaho ŭtapiŭ siejf u race. Adnak patracić hrošy nie paśpieŭ, bo ŭžo ŭ abied byŭ zatrymany apieratyŭnikami.
