Biełaruskaja tenisistka Aryna Sabalenka dramatyčna sastupiła Maryi Šarapavaj
Aryna Sabalenka. Fota z sajta turnira.
Biełaruskaja tenisistka Aryna Sabalenka prajhrała rasijancy Maryi Šarapavaj (5:7, 6:7) u vyrašalnym pajadynku turniru ŭ kitajskim Ciańczini (pryzavy fond - $ 426 tys.), paviedamlaje BiełTA.
Siońniašni finalny matč suprać byłoj pieršaj rakietki płaniety Sabalenka pačała vydatna i paviała ŭ liku 4:1. Zatym Šarapava pačała hulać macniej i nie tolki vyraŭniała stanovišča, ale i zdoleła va ŭpartaj baraćbie vyrvać pieramohu ŭ pieršym secie - 7:5.
Start druhoj partyi Aryna praviała mahutna - 5:1, ale daśviedčanaja rasijanka nie zdavałasia i, jak i ŭ pieršaj partyi, znoŭ pierałamała chadu pajadynku - 6:5.
Sabalenka zdoleła pieravieści hulniu na taj-brejk, u jakim pośpiech byŭ na baku Šarapavaj - 10:8.
Sustreča praciahvałasia 2 hadziny 7 chvilin. Maryja Šarapava vyjhrała svoj pieršy tytuł paśla viartańnia na kort z-za dopinhavaj dyskvalifikacyi, ciapier u jaje skarboncy 36 pieramožnych turniraŭ pad ehidaj WTA.
Maryja Šarapava z zavajavanym trafiejem. Fota WTA.
Niahledziačy na parazu, na nastupnym tydni Aryna Sabalenka, u jakoj zaraz 102-je miesca, upieršyniu ŭ svajoj karjery ŭvojdzie ŭ top-100 suśvietnaha rejtynhu.
