Dyrektar BiełAES: Pa pieršym enierhabłoku ŭžo 50% hatoŭnaści
Fota Dźmitryja Bruško
Kala 30% inviestycyj užo asvojena na budaŭnictvie BiełAES. Pra heta raspavioŭ TUT.BY dyrektar atamnaj stancyi Michaił Filimonaŭ.
— Było padpisana mižuradavaje pahadnieńnie na kredytnyja srodki z rasijskaha boku — da 10 młrd dalaraŭ, plus da 10% ułasnych srodkaŭ. Značyć, vierchniaja płanka zatrat — da 11 młrd dalaraŭ (na budaŭnictva AES), — adznačyŭ Michaił Filimonaŭ.
Aceńvajučy hatoŭnaść atamnaj stancyi, Michaił Filimonaŭ raspavioŭ:
— Na siońnia na stancyi vykładziena kala 70% bietonu i 83-85% armatury. Pa pieršym enierhabłoku kala 50% hatoŭnaści, pa druhim - 35%.
Jon dadaŭ, što terminy pačatku pracy stancyi zastajucca raniejšymi. Pieršy enierhabłok pavinien być całkam hatovy da pracy ŭ śniežni 2019 hoda. Druhi enierhabłok płanujecca ŭvieści ŭ ekspłuatacyju ŭ 2020 hodzie.
