Ułady raspracavali novyja taryfy na žyllova-kamunalnyja pasłuhi — prajekt źmienaŭ DAKUMIENT
U Biełarusi raspracavali novyja dyfierencyravanyja taryfy na subsidavanyja pasłuhi ŽKH dla nasielnictva.Prajekt dakumienta «Taryfny sšytak» byŭ razasłany ŭ biznes-sajuzy dla ŭzhadnieńnia i zboru prapanoŭ i budzie pradstaŭleny Łukašenku. TUT.BY pahladzieŭ, jakija novyja taryfy na žyllova-kamunalnyja pasłuhi mohuć uvieści ŭ Biełarusi.
Fota Iryny Arachoŭskaj
Taryfny sšytak, jak adznačajecca ŭ prajekcie dakumienta, raspracavali dla farmiravańnia prazrystaj taryfnaj palityki na žyllova-kamunalnyja pasłuhi.
Tak, ciapier košt pasłuh pa techabsłuhoŭvańni žyłoha doma zaležyć ad jaho pavierchavaści, ad najaŭnaści inžyniernych sistem. Prapanujecca ŭvieści dyfierencyravanyja taryfy na hetyja pasłuhi pa nastupnych hrupach damoŭ:
- adnakvaternyja i błakavanyja žyłyja damy;
- šmatkvaternyja žyłyja damy małoj i siaredniaj pavierchavaści (1-5 pavierchaŭ);
- šmatkvaternyja šmatpaviarchovyja žyłyja damy (6-10 pavierchaŭ);
- šmatkvaternyja žyłyja damy pavyšanaj pavierchavaści (11 pavierchaŭ i vyšej).
Taryf na vodazabieśpiačeńnie chočuć pryviazać da jakaści vady
Prapanujecca ŭvieści roznyja taryfy pa vodazabieśpiačeńni dla tych, chto žyvie ŭ pryvatnych damach i šmatkvaternych damach. U druhim vypadku košt pasłuhi vodazabieśpiačeńnia vyšejšy, čym u pieršym.
U Biełarusi taksama chočuć dyfierencyravać taryf na vodazabieśpiačeńnie ŭ zaležnaści ad jakaści vady. «Padača vady, jakaja nie adpaviadaje pa jakasnych paramietrach, zmušaje ŭstaloŭvać i ŭ dalejšym absłuhoŭvać roznyja filtry, jakija patrabujuć dadatkovych układańniaŭ, albo kuplać butylavanuju vadu», — havorycca ŭ tekście prapanoŭ.
Taryf z pavyšajučym kaeficyjentam na vodazabieśpiačeńnie chočuć uvieści i dla tych, chto nie pastaviŭ indyvidualnyja prybory ŭliku vady (pry najaŭnaści techničnaj mahčymaści ich ustalavańnia).
«Pry raźliku płaty za pasłuhi vodazabieśpiačeńnia i vodaadviadzieńnia prapanujecca zachavać dziejny dyfierencyravany padychod pry prymianieńni taryfaŭ u zaležnaści ad abjomaŭ spažyvańnia. Pry hetym płatu za vodaspažyvańnie zvyš za ŭstanoŭlenuju normu (140 litraŭ u sutki na adnaho zarehistravanaha) vyrablać pa taryfach z pavyšajučym kaeficyjentam 1,3», — havorycca ŭ prajekcie dakumienta.
Čym bolš enierhaefiektyŭny dom — tym mienšaja płata za aciapleńnie
Taryf na ciepłazabieśpiačeńnie chočuć dyfierencyravać u zaležnaści ad najaŭnaści i vykarystańnia pryboraŭ indyvidualnaha ŭliku ciapła, a taksama ŭ zaležnaści ad enierhaefiektyŭnaści žyłoha doma.
Prapanovy pa elektraenierhii
«U 2018 hodzie dla vykarystańnia elektryčnaj enierhii dla metaŭ nahrevu prapanujecca zabiaśpiečyć źnižeńnie taryfaŭ da ŭzroŭniu, ekvivalentnaha koštu ciepłavoj enierhii na hetyja mety», — havorycca ŭ prajekcie dakumienta datyčna elektraenierhii. Pry hetym vypadajučyja z-za hetaha mahčymaha novaŭviadzieńnia dachody enierhazabieśpiačalnych arhanizacyj «Biełenierha» prapanujecca kampiensavać ź dziaržbiudžetu.
Taryfy na apłatu elektraenierhii jak u zaležnaści ad abjomaŭ spažyvańnia, tak i ad času sutak majuć namier pakinuć.
Čym vyšejšy pavierch, tym bolšaja suma za lift u žyroŭcy
Ciapier za pasłuhi lifta płaciać žychary druhoha paviercha i vyšej. Košt techabsłuhoŭvańnia lifta zaležyć ad pavierchavaści doma. «U suviazi z hetym prapanujecca ŭstaloŭvać taryfy ŭ zaležnaści ad pavierchavaści doma. Tak, prapanujecca ŭstaloŭvać taryfy dla šmatkvaternych žyłych damoŭ — da 9 pavierchaŭ (uklučna) za 1 lift i na 1 čałavieka. Pry hetym rekamiendujecca ŭstaloŭvać papraŭčy kaeficyjent na kožny pavierch bolš (nižej) za 9 pavierchaŭ.
Sanitarnaje ŭtrymańnie dapamožnych pamiaškańniaŭ žyłoha doma
Ciapier košt hetaj pasłuhi nie padlahaje dziaržaŭnamu cenavamu rehulavańniu. Urad tolki rekamienduje hraničnyja značeńni koštu ich akazańnia dla nasielnictva. Prapanujecca ŭvieści try taryfy ŭ zaležnaści ad pieraliku pasłuh i pieryjadyčnaści ich akazańnia.
Nahadajem, infarmacyju ab mahčymym uviadzieńni dyfierencyravanych taryfaŭ raniej ahučvaŭ namieśnik ministra antymanapolnaha rehulavańnia i handlu (MARH) Ivan Viežnaviec.
«Z ulikam taho, što pa bolšaści ŽKP my vychodzim na 100-pracentny ŭzrovień kampiensacyi, indeksacyja na naminalnuju zarpłatu, jakaja pravodzicca siońnia, da ich pa zakanadaŭstvie prymianiacca nie moža. Razam z tym z časam my možam sutyknucca z tym, što vydatki na akazańnie hetych pasłuh vyrastuć i dasiahnuty ŭzrovień 100-pracentnaj kampiensacyi vykonvacca nie budzie», — adznačyŭ Ivan Viežnaviec.
Śpiecyjalist paviedamiŭ, što sumiesna ź Ministerstvam žyllova-kamunalnaj haspadarki MARH raspracoŭvaje padychody pa mahčymaj indeksacyi taryfaŭ u zaležnaści ad vydatkaŭ, jakija ŭvachodziać u peŭnuju pasłuhu. Prapanovy buduć nakiravanyja na razhlad Łukašenku, tamu što dla raźliku taryfaŭ spatrebicca źmianić bazavuju vieličyniu.
