U Minsku pobač z BDEU znajšli zabituju dziaŭčynu
U rajonie adnaho z karpusoŭ ekanamičnaha ŭniviersiteta ŭ Minsku znajšli cieła dziaŭčyny. Administracyja ŭstanovy prosić studentaŭ być uvažlivymi — takija abjavy jany ŭbačyli na ścienach ustanovy 6 kastryčnika.
Paviedamlajecca, što nibyta ŭ noč z 5 na 6 kastryčnika adbyłosia zabojstva dziaŭčyny «na kanale kala BDEU». Miarkujučy pa ŭsim, havorka ab korpusie № 4 na Partyzanskim praśpiekcie, dzie pobač jość vadajom. Zdymak abjavy studenty publikujuć u sacsietkach.
U śledčym kamitecie Biełarusi paćvierdzili TUT.BY, što ŭ Zavodskim rajonie Minska znojdziena cieła 23-hadovaj dziaŭčyny. Pa dadzienym fakcie zaraz pravodziacca śledča-apieratyŭnyja mierapryjemstvy.
«Padstaŭ dla bojazi hramadzian za svaju biaśpieku niama, — zapeŭniła aficyjny pradstaŭnik SK Julija Hančarova. — Supracoŭnikami milicyi, a taksama śledčymi ciapier pravodzicca aktyŭnaja praca pa vykryćci asobaŭ, jakija padazrajucca ŭ ździajśnieńni złačynstva».
Taksist ubačyŭ, jak mužčyna ŭ ciemry ciahnie dziaŭčynu — što viadoma pra zabojstva studentki BDEU
***
Na telehram-kanał «Našaj Nivy» možna padpisacca tut.
