Ekałahičny fest «Ptuški nad carkvoj» projdzie ŭ Minsku 8 kastryčnika
U niadzielu 8 kastryčnika z 12 da 18 hadzin na terytoryi minskaha pravasłaŭnaha prychoda sv. Mikałaja Japonskaha (vuł. Lidskaja, 3) projdzie ekałahičny vosieński fest «Ptuški nad carkvoj».
U prahramie:
- vialiki śviatočny kancert
- majstar-kłasy
- smačnaja chatniaja ježa
- šoŭ mylnych burbałak
- viasiołaja zabaŭlalnaja prahrama dla dziaciej z kłoŭnami «Funny Nose»
- placoŭka nazirańnia za ptuškami
- ekskursija pa ekaściežcy.
Hety i inšyja festy, jakija raniej adbylisia na prychodzie sv. Mikałaja Japonskaha, tradycyjna ładziacca supolna z Centram ekałahičnych rašeńniaŭ pry padtrymcy arhanizacyi «Achova ptušak Baćkaŭščyny». Siarod vystupoŭcaŭ zhadanych festaŭ byli takija biełaruskija hurty i vykanaŭcy jak Lavon Volski, Źmicier Vajciuškievič, Raman Abramčuk, Uładzimir Biarbieraŭ, folk-hurt «Pałac», chryścijanski hurt «Laudans», folk-studyja «Varhin» i inš. Sioleta taksama abaviazkova budzie niešta cikavaje i zapaminalnaje. Uvachod volny.
A voś u takoj atmaśfiery prachodziŭ fest letaś. Prychodźcie siemjami, zaprašajcie siabroŭ i znajomych!