Za tydzień vybuchnuli ŭžo piać novych iPhone 8 Plus FOTA
Padobna na toje, što akumulatary jašče niekalkich smartfonaŭ iPhone 8 Plus vyrašyli vyrvacca na volu. U pačatku tydnia adna z pryładaŭ vybuchnuła ŭ Japonii, inšaja — na Tajvani. Pra novyja vypadki nienaturalnaha ŭzdućcia paviedamlajuć z Hrecyi, Kanady i Hankonha. Pry Džobsu takoha nie było, iranizuje hi-tech.mail.ru.
Ich stanovicca ŭsio bolej
U pieršym vypadku, kali ŭzarvalisia akumulatary iPhone 8 Plus z Tajvania i Japonii, možna było vykazać zdahadku, što jany ŭvachodzili ŭ adnu partyju (choć i małavierahodna). Siudy pry vialikim žadańni možna ŭpisać i Hankonh… Ale jak ža Kanada i Hrecyja? Atrymlivajecca, što prablemy tyčacca iPhone 8 Plus z absalutna roznych partyj i pastavak.
Jak mienavita «ŭzduvajucca» iPhone 8 Plus?
Prablemy z novymi fłahmanami Apple možna ŭmoŭna padzialić na dźvie katehoryi: niekatoryja ź ich «vybuchajuć» naŭprost u pakunku i traplajuć da pakupnika ŭžo ŭ sapsavanym vyhladzie. Inšaja častka iPhone 8 Plus «uzduvajecca» padčas zaradki aficyjnaj zaradnaj pryładaj. Pry hetym, pa sutnaści, adbyvajecca adno i toje ž: akumulatar niečakana «raździmajecca» i łamaje smartfon znutry.
Dobraj navinoj tut źjaŭlajecca toje, što uzharańnia ŭ hetych vypadkach nie adbyvajecca, tamu nijakaj škody, akramia psavańnia samoha telefona, majomaści nie nanosicca. Vytvorca ŭžo pačaŭ aficyjnaje rasśledavańnie hetych vypadkaŭ, u toj ža čas, lik ich tolki raście.
Nahadajem, na prezientacyi 12 vieraśnia kampanija Apple pradstaviła adrazu try smartfony: iPhone 8, iPhone 8 Plus i iPhone X. I kali pieršyja dva ŭžo daŭno źjavilisia ŭ kramach (hetym razam abyjšłosia biez ažyjatažu), to kupić iPhone X možna budzie tolki praź miesiac.
