Jak sahrecca, kali niama ciopłaha švedra — top-5 łajfchakaŭ FOTY
Vy ŭžo adčuli ŭvieś bol hetych chałodnych vosieńskich dzion, kali ciapło zdajecca niedasiažnaj raskošaj? Tady my ščaślivy paviedamić, što vyjście jość, i nie adno — biarycie na ŭzbrajeńnie.
Hietry ŭ tufli
Našmat bolš biudžetny varyjant, kali paraŭnoŭvać z nabyćciom novych botaŭ, ale davoli funkcyjanalny. Možna spuścić da siaredziny halonki, a možna padciahnuć pad samaje kalena — aby było kamfortna.
Fota Voli Aficeravaj.
Jašče bolš uciaplić abutak dapamohuć vuściłki.
Pałancin zamiest kardyhana
Ad dvajnoj sukienki chałodnaj vosieńniu nie varta admaŭlacca. Tym bolš zrabić jaje vielmi prosta. Nakińcie pałancin i padviažycie jaho pojasam. Prosta, pryhoža i, hałoŭnaje, ciopła.
Fota Voli Aficeravaj.
Pałancin zamiest demisiezonnaha palito
Pałancin budzie ratavać vas i na vulicy — tolki ŭchutvajcie ŭ jaho nie adnu šyju, a ŭsiu siabie.
Fota Voli Aficeravaj.
Micienki
Cudoŭny demisiezonny varyjant uciapleńnia, jaki nie składana zrabić samastojna z taho ž staroha śvitara. I pa telefonie zručna razmaŭlać na vulicy, nie chočacca ŭvieś čas chavać ruki ŭ kišeni.
Termabializna i bodzi
Z takoj bializnaj usie buduć ździŭlacca, čamu vam nie choładna, choć zdajecca, što vy apranutyja davoli lohka.
Viasnovy harderob lohka pieratvaraje ŭ vosieński zvyčajnaje bodzi.
Nu i nie zabyvajcie, što dobra sahravajuć kakava, imbirnaja harbata ź limonam i miataj, harbata z małakom ci haračaje małako ź miodam — jašče i horła možna zaadno padlačyć. U chałodnaje nadvorje lepš dobra jeści, tak choładu budzie ciažej da vas dabracca. Nu a doma ŭchutvajciesia ŭ ciopły pled i abmieńvajciesia ciapłom ź blizkimi.
