Kampanija Google prezientavała novy smartfon i šmat inšych hadžetaŭ
Uviečary 4 kastryčnika adbyłasia prezientacyja Google, na jakoj kampanija pradstaviła śvietu bahata novych pryładaŭ, u tym liku biudžetnuju «razumnuju» kałonku i doŭhačakany smartfon Pixel 2.
Google Home Mini
Tut i dalej — kadry z prezientacyi
Pieršym anonsam prezientacyi stała navina ab pašyreńni liniejki «razumnych» kałonak kampanii. Kampaktnaja viersija, jakaja, dziakujučy ceńniku 49 dalaraŭ, apynułasia i samoj dastupnaj, prapanuje karystalnikam šyroki vybar tkanin, jakija pakryvajuć pałovu pavierchni hadžeta.
Hadžet budzie padłučacca da ŭsich pryładaŭ i aksesuaraŭ, jakija jość u vas doma, stvarajučy sapraŭdnuju ekasistemu. Naprykład, vy zmožacie adšukać telefon, što zavaliŭsia za kanapu, paprasiŭšy Google Home Mini aktyvizavać pošukavy sihnał.
Google Home Max
Asnoŭnaja asablivaść Google Home Max, jakaja robić jaje padobnaj da HomePod ad Apple, — heta «intelektualnyja» stereadynamiki i 12 miesiacaŭ biaspłatnaj padpiski na YouTube Red. Usia hetaja technałahičnaja daskanałaść budzie kaštavać 399 dalaraŭ. Pry hetym prodažy kałonki startujuć tolki ŭ śniežni.
Google Pixelbook
Novy Pixelbook ad Google faktyčna ŭjaŭlaje saboj abnoŭleny Chromebook, bo zachavaŭ raniejšuju prahramnuju płatformu (jakaja maje abmiežavanyja mahčymaści). Pry hetym noŭtbuk staŭ jašče tančejšym i lahčejšym. Ciapier jaho taŭščynia pa ŭsioj pavierchni roŭnaja 10 mm, a vaha nie pieravyšaje 1 kh.
Pryłada sumiaščalnaja z hałasavym asistentam Google Assistant, kramaj dadatkaŭ Google Play i «razumnym» ałoŭkam Pixel Pen. Cana za bazavuju viersiju Pixelbook startuje ad 999 dalaraŭ.
Google Pixel 2
U hetym hodzie Google pavialičyła kožnuju z madelaŭ fłahmana, naraściŭšy dyjahanali ich dysplejaŭ da 5 i 6 calaŭ adpaviedna. Pixel 2 atrymali taksama «adčuvalnyja» hrani. Kali ścisnuć Pixel 2 z bakoŭ, budzie vyklikany hałasavy asistent Google Assistant.
Asnoŭny fotamodul smartfonaŭ abstalavany 12-miehapiksielnaj matrycaj i adaptavany dla pracy z dapoŭnienaj realnaściu. Dysplej abiedźviuch madelaŭ vykanany pa papularnaj ciapier OLED-technałohii, a ich korpus abaronieny ad trapleńnia vady i pyłu pa adnym z standartaŭ IP-siertyfikacyi. Akramia taho, Pixel 2 padtrymlivajuć supierchutkuju zaradku. Pry hetym čas, jaki zatračvajecca smartfonami na padzaradku ad 0 da 100%, vytvorca nie ahučyŭ.
Prodažy Google Pixel 2 i Pixel XL 2 startujuć u šaści krainach — Aŭstralii, Kanadzie, Niamieččynie, Indyi, Vialikabrytanii i ZŠA — pa canie 649 dalaraŭ za bazavuju madel i 849 dalaraŭ — za topavuju.
Google Pixel Buds i Google Clips
Pixel Buds — firmovyja navušniki kampanii, intehravanyja z hałasavym asistentam Google Assistant i ŭbudavanym pierakładčykam z 40 movaŭ śvietu. Ich košt u roźnicy budzie roŭny 159 dalaram — takuju ž sumu Apple prosić za svaje AirPods.
Byŭ prezientavany taksama Google Clips — źniešni modul kamiery, sumiaščalny sa smartfonami liniejki Pixel. Jaho možna prymacavać nad uvachodnymi dźviarami ci ŭziać u padarožža, kab fatahrafavać toje, što adbyvajecca navokał. Košt aksesuara, data źjaŭleńnia jakoha ŭ roźnicy pakul nie nazyvajecca, składzie 249 dalaraŭ.
