Pad Minskam źjaviacca damy-śpiniery z ubudavanymi 9-paviarchovymi parkinhami i soniečnymi batarejami FOTA
Ekśpierymientalny kvartał «Dom Park» musić źjavicca ŭ mikrarajonie Sokał, niepadaloku ad aeraporta.
Padrabiaznaści prajekta paviedamlajuć «Minsk-Naviny». U kvartale budzie 3 žyłyja kompleksy. U kožnym pa 4 dzieviacipaviarchovyja damy, u centry jakich sprajektavanyja haražy-stajanki «sierpantynnaha typu». Ich chočuć zbudavać vyšynioj z žyłyja budynki. Za kožnym uładalnikam kvatery aŭtamatyčna zamacujuć dva miescy dla mašyn, raźmieščanyja na ŭzroŭni jaho kvatery. Pa sutnaści, uładalnik kvadratnych mietraŭ u žyłym kompleksie zmoža dajechać praktyčna da dźviarej svajho žylla. Jašče adna navina — na parkoŭkach praduhledžany stancyi dla zaradki elektramabilaŭ.
Akramia taho, kožnaja siamja budzie mieć kładoŭku u padvale. Nad padvałam płanujucca mini-kramy biez pradaŭcoŭ — usio možna budzie nabyć pa admysłovych kartkach.
Akramia taho na dachu raźmieściacca soniečnyja batarei i turbina dla vykarystańnia enierhii vietru. A žycharoŭ buduć prasić sarciravać adkidy i addavać bijałahičnaje śmiećcie na pieraapracoŭku — u domie budzie kacioł, dzie z adkidaŭ atrymajuć haz, jaki paśla vykarystajuć dla padahrevu vady i hienieracyi elektraenierhii.
Pry hetym śćviardžajecca, što košt mietra budzie nie daražejšym za mietr u standartnaj panelcy. Dva miescy na parkoŭcy i kładoŭka buduć biaspłatnym bonusam da kvatery, admysłova płacić za ich nie spatrebicca.
Płanujecca, što kvartał budzie pabudavany da 2020 hoda.