Pryvatnyja miedcentry prapanujuć pazbavić licenzij na aborty
Pytańnie ab pazbaŭleńni kamiercyjnych miedcentraŭ licenzij na pierapynieńnie ciažarnaści ŭźniała zahadčyca žanočaj kansultacyi 37-j haradskoj palikliniki Minska, hałoŭny akušer-hiniekołah stalicy Aksana Karotkich, pieradaje BIEŁTA.
Fota likar.info.
«Vialikaja kolkaść pierapynieńniaŭ ciažarnaści robicca ŭ kamiercyjnych miedycynskich centrach. Zabaranić aborty nielha, ale, moža, varta pazbavić kamiercyjnyja miedcentry licenzii na praviadzieńnie takich pracedur», — adznačyła Aksana Karotkich.
Nahadajem, u Biełarusi jość horad, u jakim ciažarnaść nie pieraryvajuć pa žadańni žančyny, — heta Łahojsk.
Pa statystycy, kolkaść abortaŭ u krainie źnižajecca z hoda ŭ hod. U 2016 hodzie ŭ Biełarusi było zafiksavana 27 467 pierapynieńniaŭ ciažarnaści, u 2015-m — 29 217.