Biełarusy pierasiakuć Atłantyčny akijan na spartyŭnaj jachcie
Biełarusy pierasiakuć Atłantyčny akijan na spartyŭnaj jachcie, paviedamili BIEŁTA ŭ Mižnarodnym jachtiennom centry ŭ Minsku.
«Pierachod praz Atłantyku možna paraŭnać z zavajavańniem Evieresta. Kožny amatar ci prafiesijanał parusnaha ruchu ŭ niejki momant prychodzić da žadańnia pieraadoleć hety barjer, pasprabavać svaje siły. Mnohija vybirajuć prostyja maršruty i na kruiznaj jachcie adpraŭlajucca ŭ doŭhaje padarožža-adpačynak. Inšyja ŭsio-taki aryjentujucca na sapraŭdny pierachod — rehatu abo rali. Siarod jachtsmienaŭ, jakija skaryli Atłantyčny akijan, nie tak šmat žycharoŭ Biełarusi. Kamanda Atłantyčnaha rali budzie składacca z hramadzian našaj krainy. Idzie farmiravańnie kamandy», — raspaviali ŭ centry.
Pierachod praz Atłantyku biełarusy źbirajucca ździejśnić na chutkasnaj spartyŭnaj jachcie OZ IMOCA Open 60. Udzielniki, jakija vyrašyli pasprabavać svaje siły ŭ rali, projduć 6 740 marskich mil. Prafiesijnyja škipiery buduć znachodzicca na jachcie pastajanna. Astatnija členy ekipaža, uličvajučy składanaść maršrutu, mohuć skaracić kolkaść dzion. Start rali budzie dadzieny 5 listapada. Pieršy pierachod z Partuhalii (port adpraŭleńnia — Kaškajš) da vyspy Teneryfe (port prybyćcia — Santa-Krus) zojmie čatyry dni. 11 listapada pačniecca druhi pierachod da vyspy Antyhua. Zavieršycca rali ŭ francuzskim porcie Łarjan 23 śniežnia.
