Praz žuka-karajeda ŭ Biełarusi daviałosia pavysiakać 200 kvadratnych kiłamietraŭ lesu
U Biełarusi z-za zaražeńnia žukom-karajedam vysiečana bolš za 20 tys. ha ŭčastkaŭ lesu, paviedamiŭ siońnia na kanfierencyi-naradzie «Zachavańnie lasnych hienietyčnych resursaŭ» dyrektar Instytuta lesu Nacyjanalnaj akademii navuk Alaksandr Kavalevič, pieradaje BIEŁTA.
Zaražanyja žukom-karajedam byli lasy ŭ paŭdniovych rajonach Biełarusi, Homielskaj vobłaści, Bresckaj, častkova — u Minskaj i Mahiloŭskaj abłaściach. Źjava, jakuju navukoŭcy nazyvajuć bijałahičnym pažaram, źviazanaja ź niespryjalnymi ŭmovami nadvorja — vypadzieńniem minimalnaj kolkaści apadkaŭ, źnižeńniem uzroŭniu hruntovych vod. Drevy sasłabli i padvierhnulisia napadu škodnikaŭ.
«Ciapier usie siły haliny kinutyja na realizacyju važnaj zadačy — zachavańnie biełaruskaha lesu. Situacyja znachodzicca pad kantrolem. Dla baraćby sa škodnikam vysiečana bolš za 20 tys. ha ŭsychajučych nasadžeńniaŭ», — skazaŭ Alaksandr Kavalevič. Pa jaho słovach, bolš surjoznaj vyhladaje prablema ŭsychańnia chvajovych lasoŭ z-za viaršynnaha žuka-karajeda ŭ susiedniaj Ukrainie. Tam škodnikam paškodžana bolš za 300 tys. ha lesu.