U Kijevie ŭšanavali pamiać biełaruskaha dobraachvotnika Alesia Čarkašyna
1 kastryčnika ŭ Kijevie biełaruskaja hramada i ŭkrainskija aktyvisty zhadvali biełaruskaha dobraachvotnika Alesia Čarkašyna, jaki zahinuŭ 28 žniŭnia 2016 hodu ad ranieńniaŭ, atrymanych u adnym z bajoŭ pad Aŭdziejeŭkaj, paviedamlaje radyjo «Svaboda».
27 vieraśnia Alesiu Čarkašynu spoŭniłasia b 35 hadoŭ. Jon vajavaŭ u składzie Dobraachvotnaha ŭkrainskaha korpusu «Pravy sektar» pad pazyŭnym «Taras». Paranienaha bajca pieravieźli ŭ Zaparoski špital, dzie jon razam z medykami jašče dva tydni zmahaŭsia za svajo žyćcio. Pachavany Aleś Čarkašyn u Kamianicy Žyravieckaj pad Bieraściem.
Biełaruski dobraachvotnik paśmiarotna ŭznaharodžany ordenam «Narodny hieroj Ukrainy».
Jak raspaviadali jahonyja paplečniki, Aleś Čarkašyn atrymaŭ u adnoj z navučalnych ustanovaŭ Chersonu dyplom teolaha i paśla Danbasu planavaŭ zajmacca misijanerskaj dziejnaściu.
