Jak vyhladaje najlepšy dvor u Minsku FOTA
U stalicy padviali vyniki ahladu-konkursu na najlepšaje dobraŭparadkavańnie, sanitarnaje ŭtrymańnie i architekturna-estetyčny stan žyllovaha fondu ŭ 2017 hodzie. U naminacyi «Najlepšy dvor» pieršaje miesca zaniała terytoryja pierad domam № 40 na vulicy Ubareviča. Karespandenty ahienctva «Minsk-Naviny» adpravilisia tudy, kab pahladzieć, jak vyhladaje samy dobraŭparadkavany dvor stalicy.
— Tut ludzi pastajanna zajmajucca dobraŭparadkavańniem, — raskazvaje namieśnik dyrektara ŽEU-6 Zavodskaha rajona Alaksandr Tujnoŭ. — U kožnym padjeździe jość aktyŭnyja žychary, jakija imknucca zrabić svoj dvor lepšym, pryhažejšym. Tolki śnieh rastaŭ — užo pačynajecca praca: žychary vychodziać ź invientarom, pierakopvajuć, navodziać paradak na kłumbach…
Siarod raślin — rukatvornyja roznakalarovyja rybki, hryby z kamianioŭ, a nad adnym z kvietnikaŭ uzvyšajecca vialiki štučny čarot, na jakim siadziać dźvie hihanckija blašanyja strakozy i ślimak. U susiednim kvietniku — lebiedzi, stvoranyja z padručnych materyjałaŭ.
