Namieśnik ministra ekanomiki raspavioŭ, kolki tysiač patrabavańniaŭ treba vykanać dla adkryćcia firmy LIČBY
Pavieł Uciupin, fota Siarhieja Hudzilina
U Minsku 28-29 vieraśnia prachodzić Biełaruski inviestycyjny forum, arhanizavany Ministerstvam ekanomiki i Ahienctvam pa inviestycyjach i pryvatyzacyi.
U pieršych pramovach biełaruskija čynoŭniki tradycyjna źviartali ŭvahu haściej na stratehičnaje stanovišča krainy, susiedstva ź ES i Rasijaj.
U pryvatnaści, prahučali abiacańni spraścić zakanadaŭstva ŭ śfiery adkryćcia biźniesa, palapšać miechanizm vyrašeńnia sprečak inviestara i dziaržavy.
Jak prykład raboty ŭ hetym kirunku namieśnik ministra ekanomiki Pavieł Uciupin pryvioŭ ličby sanitarnych, pažarnych i vieterynarnych patrabavańniaŭ, jakija majuć vykanać biźniesoŭcy pry adkryćci biznesu ŭ Biełarusi: heta 586 pažarnych patrabavańniaŭ, 1100 sanitarnych, 2200 vieterynarnych.
Z pryniaćciem novaha dekretu ab spraščeńni pradprymalnickaj dziejnaści, skazaŭ čynoŭnik, hetyja patrabavańni majuć skaracicca da 58, 83 i 205 adpaviedna.