Telekanał STB pakaža pieradaču pra toje, što Ziamla nasamreč płoskaja
U efiry Staličnaha telebačańnia pakažuć prahramu pra toje, što Ziamla nasamreč płoskaja. Adpaviedny vypusk «Samych šakujučych hipotez» źjavicca ŭ efiry 4 kastryčnika.
Nahadajem, biełaruskija dziaržaŭnija telekanały praź niedachop ułasnaha kantentu retranślujuć prahramy rasijskaha TB. U pryvatnaści, «Staličnaje telebačańnie» pakazvaje pieradačy rasijskaha «Ren TB».
U efiry hetaha telekanała 25 vieraśnia vyjšaŭ vypusk prahramy «Samyja šakujučyja hipotezy» pra płoskuju Ziamlu.
U im davodzicca, što fotazdymki kruhłaj Ziamli — heta mantaž, a nasamreč našaja płanieta płoskaja, nakrytaja niabiesnym kupałam.
Usio heta raskazvajecca vusnami «ekśpiertaŭ», u jakaści dokazaŭ pryvodziacca staradaŭnija hraviury i łahičnyja vysnovy, kštałtu «samalot nie zdoleŭ by lacieć roŭna, kali b ziamla nie była płoskaj».
Navošta hetaje ciemrašalstva biełaruskim hledačam?
«A što tut takoha? Heta ž hipoteza, vy možacie jaje abvierhnuć», — tłumačać na STB.