Stała viadoma, jak palicyja vyjšła na śled ludažeraŭ u Krasnadarskim krai, choć tyja nikoli nie byli ŭ vyšuku
Historyja Dźmitryja i Natalli Bakšejevych, jakija pavodle papiaredniaj viersii, z 1999 hoda zabili i źjeli 30 čałaviek, nie sychodzić sa staronak rasijskich ŚMI.
Kałaž Life.ru
Źjaŭlajucca i novyja padrabiaznaści hetaj žachlivaj situacyi.
Jak byli zatrymanyja mierkavanyja zabojcy, kali ich navat nikoli nie abviaščali ŭ vyšuk?
U Dźmitryja Bakšejeva padčas prahułki z sabakam vyvaliŭsia z kišeni mabilnik. Jaho padabrali darožnyja rabočyja, jakija vyrašyli pahladzieć karcinki na im. I ŭbačyli vyjavy adrezanych častak cieła, a taksama fota mužčyny, jaki paziravaŭ z čužymi palcami. Rabočyja pazvanili ŭ palicyju, kab padzialicca strašnaj znachodkaj.
Tym časam da ich viarnuŭsia Dźmitryj Bakšejeŭ, jaki zapytaŭsia, ci nie znachodziŭ chto-niebudź jaho mabilnik. Rabočyja zrabili vyhlad, što ničoha nie viedajuć, i mužčyna syšoŭ.
Kali palicyja pryjechała zatrymlivać jaho, Bakšejeŭ užo paśpieŭ zabarykadziravacca i akazaŭ supraciŭ.