Pieršaje vydańnie «Hary Potera» pradali na aŭkcyjonie ŭ ZŠA za rekordnuju $81 tysiaču
Pieršaje vydańnie pieršaj častki sieryi knih pra Hary Potera pradadziena na aŭkcyjonie ŭ ZŠA za $81,2 tys., pieravysiŭšy svaju pieršapačatkovuju košt bolš čym u 5 tys. razoŭ. Pra heta paviedamiŭ aŭkcyjonny dom Heritage Auctions, jaki źjaŭlaŭsia arhanizataram tarhoŭ, piša TASS.
AR
Takim čynam, ustalavany aŭkcyjonny rekord dla nie padpisanaj aŭtaram mastackaj knihi. Papiaredni rekord taksama pastaviła pieršaje vydańnie «Hary Potera», jakoje pajšło z małatka letaś. Tady za knihu addali kala $60 tys.
Pieršaja častka papularnaha knižnaha cykłu piśmieńnicy Džoan Roŭlinh pad nazvaj «Hary Poter i fiłasofski kamień» była vydadzienaja ŭ 1997 hodzie brytanskim vydaviectvam Bloomsbury nakładam usiaho ŭ 500 asobnikaŭ.
Realizavanaja na aŭkcyjonie kniha była nabytaja ŭ Vialikabrytanii ŭ tym ža hodzie prykładna za 11 funtaŭ sterlinhaŭ (kala $15) i da ciapierašniaha času znachodziłasia ŭ pryvatnaj kalekcyi.
«My pradavali mnostva vydatnych rečaŭ, źviazanych sa śvietam Hary Potera, adnak my nikoli nie zadumvalisia pra rekordy», — zajaviŭ Džejms Henan, kiraŭnik bukinistyčnaha adździaleńnia aŭkcyjonu, jaki bazujecca ŭ Dałasie (štat Techas). Pavodle jaho słoŭ, havorka idzie ab «samaj vialikaj sumie, vyručanaj na aŭkcyjonie, za lubuju kopiju nie padpisanaha aŭtaram mastackaha tvora, pa mienšaj miery, za apošnija 50 hadoŭ».
Cykł ź siami ramanaŭ pra Hary Potera vydadzieny ahulnym tyražom u bolš za 500 młn asobnikaŭ. Knihi pierakładzienyja na bolš čym 70 moŭ. Apošniaja častka hetaj sahi, jakaja atrymała niezvyčajnuju papularnaść va ŭsim śviecie, vyjšła ŭ 2007 hodzie. Va ŭsich siami knih isnujuć paśpiachovyja halivudskija ekranizacyi, jakija ŭ kinaprakacie zarabili ahułam bolš jak $7 młrd.
