Viadomy muzykant, što pamior 25 hadoŭ tamu, adpraŭlajecca ŭ turne ŭ vyhladzie hałahramy
Frenk Zapa znoŭ adpraŭlajecca ŭ turne, praz amal 25 hadoŭ paśla svajoj śmierci. Na hety raz u vyhladzie hałahramy, piša Bi-bi-si.
Sieryja kancertaŭ, na jakich, akramia hałahramy Zapy, buduć vystupać i jaho byłyja kalehi, pačniecca da kanca 2017 hoda i budzie doŭžycca u 2018 hodzie.
Centralnym numaram prahramy, jak piša Rolling Stone, budzie napisanaja Frenkam Zapam opiera z troch častak «Haraž Džo» (Joe's Garage). Jak i pry žyćci Zapy, jaho hałahrama budzie vykonvać rolu «Central Scrutinizer» («centralnaha daskanałaha rasśledavańnia»).
Dzie mienavita adbuducca vystupy, pakul nieviadoma.
Hałahramy źjaŭlalisia na scenie i raniej.
Taja ž kampanija Eyellusion stvaryła ŭ 2017 hodzie hałahramu rok-muzykanta Roni Džejmsa Dya, i hałahrama hetaja adpraviłasia ŭ suśvietnaje turne.
U krasaviku 2017 hoda, padčas pieradvybarčaj kampanii ŭ Francyi levy kandydat na pasadu prezidenta Žan-Luk Melanšon vykarystaŭ mienavita hety mietad, kab jaho vystup mahli nazirać adnačasova ŭ siami haradach.
Melanšon vystupaŭ sa sceny ŭ Dyžonie. A jaho hałahrama ŭ hety čas źjaviłasia na schodach vybarščykaŭ u inšych haradach.