U Biełarusi płanujuć dazvolić prodaž tavaraŭ u sacsietkach
Ministerstva antymanapolnaha rehulavańnia i handlu vystupaje za toje, kab dazvolić jak jurydyčnym asobam, tak i indyvidualnym pradprymalnikam vykarystoŭvać mahčymaści sacyjalnych sietak dla prodažu tavaraŭ pry ŭmovie, što buduć vykonvacca patrabavańni zakanadaŭstva ab handli i abaronie pravoŭ spažyŭcoŭ.
Pra heta paviedamiła siońnia načalnik upraŭleńnia handlu, pramysłovaha i ahrapramysłovaha kompleksu MARH Vijaleta Brazoŭskaja na druhoj kanfierencyi vytvorcaŭ i pradaŭcoŭ Trade Dialog, jakaja prachodzić 20-21 vieraśnia ŭ Minsku, pieradaje BIEŁTA.
«Pastupajuć prapanovy biznesu ŭ častcy spraščeńnia i skasavańnia zališniaha rehulavańnia internet-handlu. Z ulikam nieabchodnaści stvareńnia ŭmovaŭ dla raźvićcia ajčynnaj e-commerce treba sychodzić ad žorstkaha rehulavańnia. Naprykład, nieabchodna stvaryć umovy dla bolš aktyŭnaha raźvićcia tak zvanych markietpłejsaŭ (anłajn-markiet). Heta svajho rodu handlovyja centry, u jakich raźmieščanyja nievialikija kramy, tolki ŭ internecie», — raspaviała Brazoŭskaja.
Jana taksama kanstatavała, što ŭ prajekcie abnoŭlenaha zakona «Ab dziaržaŭnym rehulavańni handlu i hramadskaha charčavańnia ŭ Respublicy Biełaruś» ŭviedziena novaja forma handlu — dystancyjnaja.
«Heta handal, jaki ažyćciaŭlajecca biez kantaktu pradaŭca i pakupnika. Taksama adno z patrabavańniaŭ, jakoje budzie ŭstanoŭlenaje dla internet-handlu, — zakaz na nabyćcio tavaru tolki praz elektronny košyk. Heta i abarona pravoŭ spažyŭcoŭ, i prazrystaść pradaŭca», — patłumačyła načalnik upraŭleńnia.
