Arhanizatary kancertu «Dzieciukoŭ» prajhrali sud suprać cenzury
Apielacyjny sud paćvierdziŭ raniejšaje rašeńnie Ekanamičnaha suda Minska znoŭ admoviŭ zasnavalniku partału Tuzin FM Siarhieju Budkinu ŭ zadavalnieńni pazovu da Minharvykankama, jaki zabaraniŭ kancert hrodzienskaha hurta «Dzieciuki».
Budkin nazvaŭ rašeńnie haradskich uładaŭ palityčnym i skazaŭ, što «sud vidavočna staŭ na hety bok».
Ci budzie abskardžvacca vyrak dalej, arhanizatar kancerta «Dzieciukoŭ» jašče nie viedaje.
Na jaho dumku, pakolki «Dzieciuki» ŭ svajoj tvorčaści staviać znak roŭnaści pamiž nacyzmam i kamunizmam, Minharvykankam, zabaraniŭšy ichny kancert, pryniaŭ palityčnaje rašeńnie.
«My čarhovym razam padniali pytańnie pra palityčnuju cenzuru ŭ mastactvie ŭ Biełarusi, i hety sud paćvierdziŭ najaŭnaść takoj cenzury. Mahčyma, zastajecca prainfarmavać pra heta AAN», — padsumavaŭ Siarhiej Budkin.
Raniej Siarhiej Budkin abviaściŭ start kampanii «Tałakoj suprać cenzury». U pryvatnaści, zaklikaŭ padtrymać prajekt «TuzinFM vs. ideołahi» na Talaka.by, kab stvaryć precedent supraćstajańnia cenzury.
