Zatrymanaja va Ukrainie hrupa falšyvamanietčykaŭ zapatrabavała pierakładčyka na biełaruskuju
U pačatku vieraśnia ŭ Vałynskaj vobłaści zatrymali troch hramadzian Biełarusi, jakija zbyvali padroblenyja banknoty naminałam 500 jeŭra.
Usie troje znachodziacca pad vartaj, paviedamlaje prakuratura Vałynskaj vobłaści. Praciahvajecca rasśledavańnie pa spravie.
Jak stała viadoma «Našaj Nivie», machlary admovilisia razmaŭlać z palicejskimi na ruskaj movie i zapatrabavali pierakładčyka na biełaruskuju, jakoha ciapier šukajuć u miascovym univiersitecie.
U śniežni 2016 hoda hrupa biełarusaŭ zdoleła zbyć padroblenuju banknotu kasiru adździaleńnia adnaho z bankaŭ u Kovieli. Paźniej, taksama ŭ Kovieli, złamyśniki zbyli piać falšyvych banknot u juvielirnaj kramie, nabyŭšy vyrabaŭ na 74 tysiačy hryŭniaŭ. A ŭ juvielirnaj kramie «Impieryja zołata» u Novavałynsku členy hrupy za dźvie padroblenyja banknoty naminałam 500 jeŭra nabyli ŭpryhožvańniaŭ na 24,5 tysiačy hryŭniaŭ.
Jany sprabavali zbyć padroblenuju zamiežnuju valutu jašče trojčy, ale nie atrymałasia.
