Zamiest Google Drive źjavicca Google Backup and Sync
Google Drive i Google Photos pačnuć źnikać z 11 śniežnia hetaha hoda, i z sakavika 2018 ich nie stanie, paviedamlaje błoh kampanii. Ich zamienić adziny app Google Backup and Sync.
Asnoŭnaja jaho adroźnieńnie i pieravaha — na im možna budzie trymać adnačasova i tekstavyja fajły, i fota. Jon budzie aryjentavany na pryvatnych karystalnikaŭ. U toj ža čas pradpryjemstvy, kamiercyjnych klijentaŭ pieraviaduć na Drive File Stream.
Tamu Google rekamienduje zvyčajnym karystalnikam ustalavać novy dadatak, kali pryjdzie apaviaščeńnie, a karparatyŭnym — pakul zastacca ź isnujučym dadatkam Drive.
Dla šarahovaha karystalnika mała što źmienicca. Ale niekatoryja pieramieny ŭsio ž čakajucca.
Ciapier, akramia fajłaŭ u tečcy Drive, Google zmoža vykonvać reziervovaje kapiravańnie ŭ luboj tečcy, na jakuju pakaža karystalnik. Heta moža być u tym liku pracoŭny stoł, dakumienty, videa i inšyja tečki.
Asnoŭnaja ž zadača navinki składajecca ŭ reziervovym kapiravańni i sinchranizacyi asabistych dadzienych. Miarkujecca, što karystalnik zmoža skapiravać u vobłaka nie tolki asobna ŭziatuju tečku, ale i ceły łakalny dysk.
Buduć dadadzienyja niekatoryja funkcyi i dla pradpryjemstvaŭ.
Možna budzie tranślavać fajły pa zapycie, atrymlivać dostup da kamandnych dyskaŭ Team Drives (nałady možna budzie mianiać na ŭzroŭni sistemnaha administratara), sinchranizavać asobnyja fajły (Backup i Sync sinchranizujuć tolki tečki całkam).
U kastryčniku karystalniki Google Drive pačnuć atrymlivać papiaredžańni na pracoŭnym stale pra nieabchodnaść pieranieści svaje fajły.