Urahan «Maryja» ŭ Atłantycy ŭzmacniŭsia da treciaj katehoryi
Urahan «Maryja», bušujučy ŭ Atłantycy, dasiahnuŭ treciaj katehoryi pa piacibalnaj škale Safira-Simpsana, paviedamlajuć infarmahienctvy sa spasyłkaj na Nacyjanalny centr pa nazirańni za ŭrahanami.
Epicentr urahanu znachodzicca za 95 km ad francuzskaj vyspy Marcinika, maksimalnaja chutkaść vietru składaje 195 km/h. Epicentr «Maryi» pieramiaščajecca z chutkaściu 17 km/h u paŭnočna-zachodnim kirunku i moža dasiahnuć Padvietranych vyspaŭ da viečara paniadziełka.
U suviazi z nabližeńniem stychii tryvoha abjaŭlenaja na vyśpie Sient-Lusija, Brytanskich i Amierykanskich Virhinskich vyspach, Marcinicy, Hvadełupie i Antyhua i Barbuda. Siezon urahanaŭ zvyčajna praciahvajecca ŭ Atłantycy paŭhoda — z 1 červienia pa 30 listapada. Atmaśfiernaja źjava kłasifikujecca jak štorm i atrymlivaje ŭłasnaje imia, kali chutkaść vietru ŭ jaho epicentry dasiahaje 17,4 m/c. Pry chutkaści vietru 33 m/c i bolš štorm stanovicca ŭrahanam.
